រកឃើញ លីគបាល់ទាត់ដំបូងគេ ប្រកាសបញ្ចប់រដូវកាលដោយសារវីរុស COVID-19

2020-04-03 03:12:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លីគកំពូលបាល់ទាត់ប្រទេសបែលហ្សិក ឬ Belgian Pro League ត្រូវបានគេដឹងថា នឹងប្រកាសជាផ្លូវការ បញ្ចប់រដូវកាល ២០១៩-២០២០ ដោយសារវីរុស COVID-19។

កីឡាករក្លឹប Club Brugge /រូបថត៖

ប្រការនេះ វានឹងធ្វើឲ្យ បែលហ្សិក ជាប្រទេសតំបន់អឺរ៉ុបដំបូងគេ ដែលបានបញ្ចប់បិទរដូវកាល។ ខណៈដែលលីគបាល់ទាត់ ប្រទេសដទៃ បានជួបបញ្ហាវីរុសវាយលុកដូចគ្នា ប៉ុន្តែវិធានការនៅត្រឹម ប្រកាស ផ្អាក សកម្មភាពនៅឡើយ។

ចំណែកឯដំណោះស្រាយរបស់សហព័ន្ធបាល់ទាត់បែលហ្សិកគឺសម្រេចឲ្យ ក្លឹប Club Brugge ដែលលើសពិន្ទុក្រុមគូប្រជែង ១៥ ពិន្ទុកំពុងឈរកំពូលតារាងលើកពានលីគរដូវកាល ២០១៩-២០២០ ដោយស្វ័យប្រវត្តិ ចំណែក Gent ជាក្រុមរងជើងឯក។

ការសម្រេចនេះ គួរណាស់តែប្រជុំរវាងក្លឹបទាំង ២៤ នៅក្នុងលីគទាំង ២ លំដាប់(លីគ ១ និង ២) ប៉ុន្តែចម្លើយបានមុនទៅហើយ ពោលគឺ ក្លឹបនៅលីគទាំង ១៧ បានស្នើឲ្យបញ្ចប់ទៅ។ ដូចនេះ ដល់ថ្ងៃទី១៥ ខែមេសា សហព័ន្ធ វាយត្រា ប្រកាសផ្លូវការតែម្ដង។

បើមើលទៅលើស្ថានភាពក្នុងប្រទេសតំបន់អឺរ៉ុបមួយនេះ កើតមានករណីឆ្លងចំនួន ១៥ ៣៤៨ នាក់ ឯអ្នកស្លាប់កើនដល់ចំនួន ១០១១ នាក់និងមានអ្នកជាសះស្បើយចំនួន ២៤៩៥ (ត្រឹមថ្ងៃទី ៣ ខែមេសា ២០២០) ៕