ស្លាប់ ២៩ នាក់​ក្នុង​​ប្រទេស​អឺរ៉ុប​នេះ​ដែល​នៅ​បន្ត​លេង​បាល់

  • 2020-04-14 08:00:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ប្រទេស​ បេឡារុស បាន​កើនឡើង​នូវចំនួន​អ្នក​ឆ្លង​វីរុសដល់ទៅ ២៩១៩ នាក់​និង​មាន​អ្នក​ស្លាប់​កើន​ដល់ ២៩ នាក់ ​(ត្រឹម​តែ ១ សប្តាហ៍​ប៉ុណ្ណោះ) គិតត្រឹមថ្ងៃទី ១៤ ខែ​មេសា ២០២០។

រយៈពេល១ខែ​មុន គេ​រកឃើញ​ថា ករណីឆ្លង​មាន​ត្រឹម​តែ ១២ នាក់​ប៉ុណ្ណោះ ក៏ស្រាប់​តែ​ចំនួន​ឆ្លង​កើន​ឡើង​ឥត​ឈប់ឈរ រហូត​ដល់​មាន​អ្នក​ស្លាប់​​ផងដែរ។

ចំណែក​ឯ ចំណាត់ការ​ក្នុង​ប្រទេស​នេះ​ មិន​ទាន់​ប្រកាស​បិទក្រុង ឬ​បិទ​ប្រទេស​នៅ​ឡើយទេ។ ពលរដ្ឋ​អាច​មាន​សិទ្ធ​ដើរហើរ និង​ទៅ​ផ្សារ​ទិញ​ឥវ៉ាន់ បាន​ធម្មតា។ ភាគរយ​ដែលគេ​ប៉ាន់​ប្រមាណ​គឺ ៩០% អាច​នឹង​ឆ្លង​បន្ថែម​ទៀត។

ព្រីន​មុខ​ ដាក់ម៉ានីកាំងពាក់​លើ​កៅអី​ក្នុង​កីឡដ្ឋាន​​ឲ្យ​ដូច​ជាមក​គាំទ្រ​ផ្ទាល់
កាល​ពី​ដើម​ខែ​មិនា គេ​សង្កេត​ឃើញ​ថា សកម្មភាព​កីឡាប្រទេស​នេះ​ នៅបន្ត​បើក​រដូវកាល​ថ្មី ដោយ​​​អនុញ្ញាតិ​ឲ្យ​មាន​អ្នក​គាំទ្រ​ចូល​ទីលាន ដូច​សព្វដង ដែល​បាន​ជាប់​ឈ្មោះ​ជា **ប្រទេស​អឺរ៉ុប​តែ​មួយ​គត់ មិនផ្អាក លីគ** ។ ពលរដ្ឋ​ដែល​គាំទ្រ​បាល់ទាត់​លីគ​ពួកគេ ក្នុង​មួយ​ប្រកួត​ជាង ៣០០០ នាក់​ឯណោះ តែ​រហូត​ដល់​ដើម​ខែមេសា​នេះ ​មាន​តែ ១០ ទៅ ២០ នាក់​ប៉ុណ្ណោះ ដោយ​មាន​អ្នក​ខ្លាច​រអា​នឹង​វីរុស សុខចិត្ត​មើល​តាម​ទូរទស្សន៍។
Cheerleaders រាំ​ពេល​សំរាក​តង់​ទី ១ កាល​ពី​សប្តាហ៍មុន

ក្លឹប​ការពារ​តំណែង​ជើង​ឯកលីគបេឡារុស Dynamo Brest បាន​បង្ហោះសារកាលពី ៣ ថ្ងៃមុន​ដោយ​បើកឲ្យ​សាធារណជន​ណា​ ដែល​ចង់​តាម​ដាន​លីគ អាច​ទិញ​សំបុត្រ​តាម​អនឡាញ រួច​ហើយ​និង​ព្រីន​មុខ​របស់​គេ និង​ដាក់​លើ​ម៉ានីកាំង យកទៅ​ពាក់​នៅ​លើ​កៅអី​ក្នុង​កីឡដ្ឋាន​ ដែល​ហាក់​ឲ្យ​ដូច​ជា មក​គាំទ្រ​ផ្ទាល់។

ដោយឡែកលោក Alexander Lukashenko ជា​ប្រធានាធិបតី​ប្រទេស បេឡារុស បាន​និយាយ​ប្រាប់​សារព័ត៌មាន​ The guardian កាល​ពី​ដំណាច់​ខែ​មីនា កន្លង​ទៅ​ថា "វា​គ្មាន​ទេ​ក្នុង​ប្រទេស​ ឯណា​វីរុស​ រក​មិន​ឃើញ?​" អំឡុង​ពេល​លោក​កំពុង​លេង​កីឡា ហុកគីទឹកកក (ice hockey) មួយ​កន្លែង​នៅ​ក្នុងប្រទេស។

រំលងបាន ១៤ ថ្ងៃ​ក្រោយ​មក​នេះ លោក​ក៏​បាន​ចេញ​មុខក្នុង​អង្គប្រជុំមួយ ដោយ​និយាយ​ថា នឹង​គ្មាន​នរណា​ម្នាក់​ស្លាប់​ដោយ​សារវីរុស​នោះទេ បើ​ទោះ​បី​ជា​តួលេខ​កំពុង​កើន​ឡើង​ក៏​ដោយ៕

ទស្សនា​វីដេអូ​ខាងក្រោម៖

អ្នកគាំទ្រ កំពុងហ៊ោឲ្យក្រុមពួកគេ
ព្រីន​មុខ​ ដាក់ម៉ានីកាំងពាក់​លើ​កៅអី​ក្នុង​កីឡដ្ឋាន​​ឲ្យ​ដូច​ជាមក​គាំទ្រ​ផ្ទាល់

ទទួលបានព័ត៌មានថ្មីៗ លឿនរហ័សទាន់ចិត្ត កុំភ្លេចទាញយក App Kley Kley ឥឡូវនេះ

-Android: play.google.com

-iOS: apps.apple.com/us/app

ប្រភព៖ theguardian ប្រែ​សម្រួល៖ រក្សា

អត្ថបទថ្មី
;