គណៈកម្មាធិការអចិន្ត្រៃយ៏ព្រឹទ្ធសភា នៅព្រឹកថ្ងៃទី ១៦ខែមេសា ឆ្នាំ២០២០នេះ បានបើកិច្ច ប្រជុំក្រោម​អធិបតីភាពលោក ស៊ីម កា ប្រធានស្តីទី ព្រឹទ្ធសភា។ សមាសភាពចូលរួមប្រជុំ គណៈ​កម្មាប​ធិការ​អចិន្ត្រៃយ៏ នៅថ្ងៃនេះ មានប្រធានគណៈ កម្មការជំនាញទាំង១០នៃព្រឹទ្ធសភា។ បន្ទាប់​ពី​ចប់​កិច្ច​ប្រជុំ គណៈកម្មាធិការអចិន្ត្រៃយ៏ ព្រឹទ្ធសភា​លោក ម៉ម ប៊ុននាង ព្រឹទ្ធសមាជិក និង​ជា​អ្នក​នាំ​ពាក្យ​បាន​ឲ្យ​ដឹងថា នៅថ្ងៃទី ១៦ខែ មេសានេះ លោក ស៊ីម កា ប្រធានស្តីទីព្រឹទ្ធសភា បានដឹកនាំកិច្ចប្រជុំ គណៈ​កម្មាធិការអចិន្ត្រៃយ៏ ពិភាក្សានិងពិនិត្យ សេចក្តី ព្រាងច្បាប់ "ស្ដីពី​ការ​គ្រប់​គ្រង​ប្រទេស​ជាតិ​ក្នុង​ភាព​អាសន្ន" ។

សេចក្តីព្រាងច្បាប់នេះ បានដាក់បញ្ចូលទៅក្នុងរបៀបវារៈប្រជុំពេញអង្គ ព្រឹទ្ធសភា នៅព្រឹកថ្ងៃ ទី​១៧​ខែមេសាឆ្នាំ២០២០តាមសំណើររបស់ប្រមុខដឹកនាំរាជរដ្ឋាភិបាល ដែលបានស្នើ សុំ​ឲ្យ​ស្ថាប័ន​នីតិ​ប្បញ្ញត្តិ​ពិភាក្សា និងអនុម័តឲ្យបានឆាប់ពីព្រោះច្បាប់នេះចាត់ទុក ជាការប្រញាប់។

ជាមួយគ្នានោះដែរ លោក ម៉ម ប៊ុននាង បញ្ជាក់ថា សេចក្តីព្រាងច្បាប់នេះបាន​ធ្វើ​ឡើង​ស្រប​ទៅ​តាម​មា​ត្រា ២២ ថ្មីនៃរដ្ឋធម្ម នុញ្ញដែលបានចែងថានៅពេលប្រជាជាតិប្រឈមបមុខ នឹង​គ្រោះ​ថ្នាក់​ព្រះ​មហាក្ស​ត្រ ទ្រង់​ប្រកាស​ប្រទាន​ដំណឹង​ជា​សាធារណៈ​ដាក់​ប្រទេស​ជាតិ​ស្ថិត​ក្នុង​ភាព​អាសន្ន​ក្រោយ​ពីបាន​មតិឯកភាព ពីនាយករដ្ឋមន្ត្រី-ប្រធានរដ្ឋសភានិងប្រធានព្រឹទ្ធសភា។

យោងតាមមាត្រា ២២ថ្មីនៃរដ្ឋធម្មនុញ្ញការ សម្រេចដាក់ប្រទេសជាតិស្ថិតនៅក្នុងភាពអាសន្នគឺជាព្រះ រាជ​សិទ្ធិ​នៃព្រះមហាក្សត្រនៃព្រះរាជាណាចក្រកម្ពុជា ហើយ​ត្រូវ​ធ្វើ​ឡើង​នៅ​ពេល​ប្រជាជាតិ​ប្រឈម​មុខ​នឹង​គ្រោះថ្នាក់ ដែលជាទូទៅបណ្ដាល មកពីកាលៈទេសៈសង្គ្រាម ឬ​ការ​ឈ្លាន​ពាន​ពី​កម្លាំង​បរទេស​ឬ​គ្រោះអាសន្ន បន្ទាន់ចំពោះសុខ ភាពសាធារណៈបណ្ដាលមកពីការឆ្លងរាលដាលនៃជំងឺ ពេលមានភាពវឹកវរធ្ងន់ធ្ងរ ដល់សន្តិសុខជាតិនិងសណ្ដាប់ធ្នាប់សាធារណៈឬនៅពេលមានគ្រោះ មហន្តរាយធ្ងន់ធ្ងរ ដែល​គំរាម​កំហែង​ឬ​អាច​បង្ក​គ្រោះ​ថ្នាក់​រីករាល​ដាល​ដល់​កម្រិត​ទូទាំង​ប្រទេស​ជាដើម។

អ្នកនាំពាក្យព្រឹទ្ធសភា បញ្ជាក់ទៀតថា គោល​បំណង​នៃការបង្កើត​សេចក្តីព្រាងច្បាប់​នេះ​គឺ​ដើម្បី​ការពារ​សន្តិសុខ​ជាតិនិងសណ្ដាប់ធ្នាប់សាធា រណៈ​ការពារ​អាយុជីវិត និងសុខភាពរបស់​ប្រជាជន ព្រម ទាំង​ការពារទ្រព្យសម្បត្តិនិងបរិស្ថានផងដែរ។ ជាក់​ស្ដែង ក្នុងបរិបទនៃការរីករាលដាលជំងឺកូវីត ១៩នៅទូទាំងពិភពលោកប្រទេសជាច្រើនបាន សម្រេច ប្រើ​ប្រាស​ច្បាប់ក្នុងគ្រាអាសន្ន ហើយ​បាន​ដាក់​ប្រទេស​របស់ខ្លួនឬដែនដី​ខ្លះ​នៃ​ប្រទេស​ខ្លួន​ក្នុង​ភាពអាសន្ន​ដើម្បី​ធានា​បាន​នូវប្រសិទ្ធភាព និង​ការ​គ្រប់គ្រង​ក្នុងគ្រាអាសន្នក៏ដូចជាការដាក់ ចេញនូវវិធានការឆ្លើយតបចាំបាច់នានាក្នុងគោល បំណង សង្គ្រោះអាយុជីវិតប្រជាជននិងស្ដារឡើង វិញនូវសុខភាពសាធារណៈ។

រដ្ឋធម្មនុញ្ញក៏មានចែងផងដែរនៃយន្តការត្រួត ពិនិត្យលើវិធានការនានាដែលត្រូវបានដាក់ប្រទេស ជាតិ​ក្នុងភាពអាសន្នដែលយន្តការនេះបានចែងនៅ ក្នុងមាត្រា៨៦ នឹងមាត្រា១០២ថ្មី នៃ​រដ្ឋធម្មនុញ្ញ​ផ្អែក​តាម​មាត្រាទាំង​ពីរនេះទាំងរដ្ឋសភានិង ព្រឹទ្ធ សភាក្តី មាន​សិទ្ធិ​អំណាច​ពេញ​លេញ​ដើម្បី​ធ្វើការ​ត្រួត​ពិនិត្យ​នូវរាល់វិធានការដែលបានដាក់ ចេញដើម្បីគ្រប់គ្រងភាពអាសន្ន។ទាំងរដ្ឋសភាក្តី ទាំង​ព្រឹទ្ធសភាក្តី មាន​សិទ្ធិ​អំណាច​ពេញលេញ​ដើម្បី​សម្រេច​បញ្ចប់​ទៅ​វិញ​នៅ​កាលៈទេសៈ​នៃ​ភាព​អាសន្ន​នេះ​នៅ​ក្នុងគ្រប់ករណីទាំង អស់កាលសភាពការណ៍អនុញ្ញាត។

សេចក្តីព្រាងច្បាប់ស្តីពីការ គ្រប់គ្រងប្រទេសជាតិស្ថិតក្នុងភាពអាសន្នត្រូវបានឆ្លងកិច្ចប្រជុំគណៈ កម្មាធិការ​អចិន្ត្រៃយ៍គណៈរដ្ឋមន្ត្រីកាលពីថ្ងៃ ទី៣១ ខែមីនាឆ្នាំ ២០២០ កន្លងទៅ។ សេចក្តី​ព្រាង​ច្បាប់​នេះ រួមមាន ៥ជំពូក និង ១២មាត្រា។ សូមបញ្ជាក់ថា,រដ្ឋសភាជាតិបានប្រជុំពេញអង្គរដ្ឋសភាលើកទី៤នីតិ កាលទី៦ កាលពីថ្ងៃទី ១០​ខែ​មេសា​ឆ្នាំ២០២០កន្លងទៅនេះបាន អនុម័តលើសេចក្តីព្រាងច្បាប់ នេះដែលមានសម្លេងគាំទ្រ ១១៥/១១៥ សម្លេង តាមការស្នើសុំពីប្រមុខរាជរដ្ឋាភិបាល៕