នេះជាទីតាំងដែលប្រជាពលរដ្ឋអាចទៅប្រឡងយកបណ្ណបើកបរឡានម៉ូតូ
- 2020-05-07 01:01:07
- ចំនួនមតិ 0 | ចំនួនចែករំលែក 0
នេះជាទីតាំងដែលប្រជាពលរដ្ឋអាចទៅប្រឡងយកបណ្ណបើកបរឡានម៉ូតូ
ចន្លោះមិនឃើញ
ក្រសួងសាធារណការ និងដឹកជញ្ជូន បានឱ្យដឹងថា រាល់ការប្រឡងយកបណ្ណបើកបរយានយន្ត (ទោចក្រ-ត្រីចក្រយានយន្ត និងរថយន្ត) ត្រូវធ្វើឡើងតាមគ្រប់មន្ទីរសាធារណការ និងដឹកជញ្ជូន ទូទាំង២៥ រាជធានី-ខេត្ត ទាំងការប្រឡងទ្រឹស្តី និងដៃចង្កូត។
-ភ្នំពេញ៖ នៅអង្គភាពផ្តល់បណ្ណបើកបររបស់មន្ទីរសាធារណការ និងដឹកជញ្ជូនរាជធានីភ្នំពេញ ស្ថិតនៅផ្លូវ៥៩៨ (ផ្លូវឯកឧត្តម ជាសុផារ៉ា) ខណ្ឌឫស្សីកែវ រាជធានីភ្នំពេញ (ចម្ងាយប្រមាណ៧០០ម៉ែត្រ ពីអគ្គនាយកដ្ឋានដឹកជញ្ជូនផ្លូវគោក ទល់មុខបុរីជីបម៉ុង៥៩៨)
-មន្ទីរសាធារណការ និងដឹកជញ្ជូន ទាំង២៤ខេត្ត ផ្សេងទៀត
(ចំណែកឯមណ្ឌលផ្តល់បណ្ណបើកបរយានយន្ត ផ្សារទំនើបអ៊ីអន១ និង២ សម្រាប់តែការផ្តល់សេវាប្តូរ និងពន្យារបណ្ណបើកបរប៉ុណ្ណោះ)
ពេលវេលាផ្តល់សេវា៖
-ថ្ងៃចន្ទ ដល់ សៅរ៍ ( និងបន្ថែមថ្ងៃអាទិត្យ១ថ្ងៃ នាថ្ងៃទី១០ ឧសភា ២០២០)
-ម៉ោង៨:០០ព្រឹក ដល់ ៥:០០ល្ងាច
ឯកសារសម្រាប់ការប្រឡងយកបណ្ណបើកបរ៖
១. អត្តសញ្ញាណប័ណ្ណសញ្ជាតិខ្មែរ
២. លិខិតបញ្ជាក់កាយសម្បទា(អាចធ្វើនៅទីតាំងផ្ទាល់)
៣. រូបថត ៤x៦ ផ្ទៃពណ៌ស ៣សន្លឹក(ថតនៅទីតាំងផ្ទាល់)
៤. និងលិខិតបញ្ជាក់ការសិក្សាពីសាលាង្រៀនបើកបរ ក្នុងករណីប្រឡងបណ្ណប្រភេទ គ ឃ និង ង៕
ចុចអានបន្ថែម៖ App មួយនេះ នឹងជួយឱ្យអ្នកប្រឡងជាប់យកបណ្ណបើកបរយ៉ាងងាយស្រួល