ប្រធាន​លីគ La liga នឹក​ឃើញ​វិធី១ជួយ​ឲ្យ​​កីឡាករ​មាន​អារម្មណ៍​ដូច​មាន fan ទោះ​​លេង​បិទទ្វារ

  • 2020-06-02 07:30:00
  • ចំនួនមតិ 0 | ចំនួនចែករំលែក 2

ចន្លោះមិនឃើញ


លោក​ Javier Tebas ជា​ប្រធាន​លីគ La liga បាន​ផ្ដល់​បទសម្ភាសន៍​​ជាមួយ​នឹង​បណ្ដាញ​ទូរទស្សន៍​អេស្ប៉ាញ Movistar កាល​ពី​ប៉ុន្មាន​ថ្ងៃ​មុន​ ដូច្នេះ​ថា​៖ "​លោក​គ្រោង​នឹង​រៀប​ចំ​ឲ្យ​មាន​ការ​ចាក់​ខ្សែ​អាត់​សំឡេង​ទះ​ដៃ​របស់​អ្នក​គាំទ្រ​ឲ្យ​ឮ​ទាំង​នៅ​ក្នុង​កីឡដ្ឋាន​នីមួយៗ​ ​និង​ត​ភ្ជាប់​ទៅ​លើ​កញ្ចក់​ទូរទស្សន៍​ផង​ដែរ នៅ​រៀង​រាល់ ២០ នាទី​ម្ដង​នៅគ្រប់១១ ប្រកួត​ដែលនៅ​សល់​នោះពេល​លីគ​បើក​ដំណើរការ​ឡើង​វិញ​។"

​លោក​បន្ថែម​ទៀត​ថា​​គោលបំណង​នៃ​គម្រោង​ការ​នេះ​ គឺ​ធ្វើ​ឡើង​ដើម្បី​ជា​ការ​ឆ្លើយ​តប​ទៅ​នឹង​ទឹក​ចិត្ត​ដល់​អ្នក​គាំទ្រ ​ដែល​ជា​ផ្នែក​មួយ​ជួយ​​ធ្វើ​ឲ្យ​បាល់​ទាត់​មាន​លក្ខណៈ​ពិសេស បើទោះ​​ជាលេង​បិទទ្វារ មិនអាចមក​ផ្ទាល់បាន តែពួកគេអាច​អបអរពីចម្ងាយបាន។

ទង្វើរនេះ​ក៏ធ្វើឡើងដើម្បីជា​ការ​​ថ្លែង​អំណរគុណ​ដល់​វីរបុរស (សំដៅ​ដល់​អ្នក​ជំងឺ​ ដែល​អាច​ប្រយុទ្ធ​ប្រឆាំង​ឈ្នះ​កូវីដ ១៩) ​អាច​ជា​សះ​ស្បើយ​ឡើង​វិញ​បាន​។

លោក​ Javier Tebas

ដោយឡែក​​ដំណឹង​ច្បាស់​ការណ៍ កាលបរិច្ឆេទ​ត្រឡប់​វិញ​នៃ​ក្របខ័ណ្ឌ​កំពូល La Ligaនឹង​ធ្វើ​ឡើង​នៅ​​ថ្ងៃ​​ទី ១១ ខែមិថុនា ២០២០​ ខាង​មុខ​នេះ។ ​​ប្រធាន​លីគ​ដដែល​រូប​នេះ​បាន​បន្ត​ថា ក្រុម​ទាំង ២០ នៅ La liga នឹង​ត្រូវ​ប្រកួត​គ្នា​រៀងរាល់២ ​ថ្ងៃ​ម្ដង ​សរុប ១១ ប្រកួត​នៅ​សល់ ​ដើម្បី​អាច​បញ្ចប់​រដូវកាល​និង​រក​ឲ្យ​ឃើញ​ជើង​ឯក​គ្រង​ពាន​ ​ត្រឹម​ថ្ងៃ​ទី ១៩ ខែ​កក្កដា ២០២០ ៕

កីឡាករ​ក្លឹប Barcelona កំពុងហ្វឹកហាត់ត្រៀម​ប្រកួតទល់នឹង Real Mallorca ថ្ងៃសៅរ៍ទី១៣

កីឡាករ​ក្លឹប Real Madrid កំពុងហ្វឹកហាត់ត្រៀម​ប្រកួត Eibar ថ្ងៃអាទិត្យទី ១៤

កាលវិភាគ​ត្រូវ​ប្រកួត​គ្នា​នៅសប្ដាហ៍ទី ២៨ និងទី ២៩៖

-វិធានការ​ដែល​នឹង​ត្រូវ​អនុវត្ត​នៅ La Liga ពេលបើក​លីគ​វិញ​

ប្រភព៖ theguardian ប្រែ​សម្រួល៖ រក្សា

;