ប្រធានសមាគម JBAC ជប៉ុន លើកឡើងពីកង្វល់ការសងថ្ងៃឈប់សម្រាកចូលឆ្នាំ

2020-06-26 02:20:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក KANDA Yogo ប្រធានសមាគមធុរកិច្ចជប៉ុននៃកម្ពុជា (JBAC) បានលើកឡើងពីកង្វល់ការសងថ្ងៃឈប់សម្រាកសម្រាប់ឱកាសចូលឆ្នាំខ្មែរកន្លងទៅ ដោយលោកស្នើឱ្យរាជរដ្ឋាភិបាលប្រកាសឱ្យបានដឹងមុនដើម្បីឱ្យមានការត្រៀមខ្លួនជាមុន ជៀសវាងការថ្ងៃឈប់សម្រាក ចំថ្ងៃដែលសង្វាក់ផលិតកម្ម ឬមុខជំនួញកំពុងប្រតិបត្តិការមមាញឹក។ ការលើកឡើងនេះ ធ្វើឡើងក្នុងជំនួបជាមួយលោក ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ កាលពីថ្ងៃទី២៤ ខែមិថុនា ឆ្នាំ២០២០។

ក្នុងជំនួបនេះ លោក KANDA Yogo បានអរគុណដល់ក្រសួងតែងតែគាំទ្រ និងរកដំណោះស្រាយឲ្យដំណើរការក្រុមហ៊ុន រោងចក្រជប៉ុននៅកម្ពុជា បានប្រព្រឹត្តិទៅដោយភាពរលូន ព្រមទាំងអបអរសាទរចំពោះការប្តូរឈ្មោះក្រសួងថ្មី ដោយបានបញ្ចូលវិស័យវិទ្យាសាស្ត្រ បច្ចេកវិទ្យា និងនវានុវត្តន៌នៅក្នុងនោះ ដែលជាវិស័យដ៏សំខាន់សម្រាប់ជួយជម្រុញការធ្វើសេដ្ឋកិច្ចបែបឌីជីថល ។ ជាពិសេសក្នុងដំណាក់កាលវិបត្តិនេះ សង្ឃឹមថា៖ក្រសួងនឹងបន្តសហការគាំទ្រ ជាបន្តបបន្ទាប់ទៀត ។

ជាការឆ្លើយតប លោកទេសរដ្ឋមន្ត្រី ចម ប្រសិទ្ធ បានណែនាំថ្នាក់ដឹកនាំ និងមន្ត្រីជាន់ខ្ពស់របស់ក្រសួង និងប្តូរនាមប័ណ្ណគ្នា ដើម្បីស្គាល់និងរួមគ្នាដោះស្រាយនូវបញ្ហាជាកង្វល់តាមលទ្ធភាពជាក់ស្តែង។ ចំពោះការសងថ្ងៃឈប់សម្រាក ឲ្យមានការជូនដំណឹងមុន លោកទេសរដ្ឋមន្ត្រី ចាត់ទុកជាការសំខាន់ ហើយនឹងលើកបញ្ហានេះ ដើម្បីជាដំណោះស្រាយ។

គួររំលឹកថា ក្នុងឱកាសបុណ្យចូលឆ្នាំខ្មែរកាលពីថ្ងៃទី ១៣-១៤-១៥ និង ១៦ ខែមេសា ឆ្នាំ២០២០ កន្លងទៅ គឺពុំមានការឈប់សម្រាកនោះទេ ដើម្បីទប់ស្កាត់ការរីករាលដាលជំងឺកូវីដ១៩។ ជាមួយគ្នានោះ រាជរដ្ឋាភិបាលបានសងថ្ងៃឈប់ ៥ថ្ងៃជំនួសវិញ នៅពេលវេលាសមស្របណាមួយនាពេលខាងមុខ៕

ប្រភព៖ ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍