ដឹងតម្លៃវ៉ាក់សាំងប្រឆាំងកូវីដ១៩ ទីមួយក្នុងលោកហើយ!
- 2020-10-08 03:05:49
- ចំនួនមតិ 0 | ចំនួនចែករំលែក 0
ដឹងតម្លៃវ៉ាក់សាំងប្រឆាំងកូវីដ១៩ ទីមួយក្នុងលោកហើយ!
ចន្លោះមិនឃើញ
វ៉ាក់សាំងប្រឆាំងវីរុសកូវីដ១៩ទីមួយក្នុងពិភពលោក «Sputnik V» របស់រុស្ស៊ី នឹងមានតម្លៃខ្ទង់ ១៣ដុល្លា ក្នុងមួយដូស។ នេះបើតាមការប្រកាសរបស់ភ្នាក់ងារ Federal Antimonopoly Service (FAS) នៃរដ្ឋាភិបាលរុស្ស៊ី កាលពីថ្ងៃទី៧ ខែតុលា ឆ្នាំ២០២០។
** ទាញយក App Kley Kley នៅលើ Android និង iOS ដើម្បីទទួលបានព័ត៌មានលឿនរហ័ស **
លោក Igor Artemyev ប្រធាន FAS បានទទួលស្គាល់ថា តម្លៃ ១៣ដុល្លារនេះ គឺវាថ្លៃណាស់ ប៉ុន្តែវានឹងចុះថ្លៃបន្តិចៗម្តង នៅពេលដែលចំនួនផលិតមានការកើនឡើង ជាពិសេសនៅពេលដែលមានប្រទេសដទៃទៀត បានផលិតវ៉ាក់សាំងកូវីដ១៩ លក់ក្នុងទីផ្សារពិភពលោកដូចគ្នា។
គួររំលឹកថា វ៉ាក់សាំងរុស្ស៊ី Sputnik V ត្រូវបានចុះបញ្ជីអនុញ្ញាតឱ្យប្រើប្រាស់កាលពីថ្ងៃទី១១ ខែសីហា ដែលធ្វើឱ្យវាក្លាយជាវ៉ាក់សាំងប្រឆាំងមេរោគកូវីដ១៩ ទីមួយក្នុងពិភពលោក។ នៅខែកញ្ញា រុស្ស៊ី បានប្រកាសឱ្យប្រើប្រាស់វ៉ាក់សាំងនេះជាសាធារណៈ ក្នុងនោះនៅក្រុងមូស្គូ បានទទួលវ៉ាក់សាំងនេះមុនគេ។
ក្រុមហ៊ុន Moderna ក៏បានប្រកាសផលិតវ៉ាក់សាំងប្រឆាំងកូវីដ១៩នេះផងដែរ ដោយកាលពីខែសីហាកន្លងទៅ ក្រុមហ៊ុនបានឱ្យដឹងថា តម្លៃវ៉ាក់សាំង អាចនៅចន្លោះពី ៣២ ដល់ ៣៧ ដុល្លារក្នុងមួយដូស។
ចំពោះប្រទេសចិនវិញអះអាង វ៉ាក់សាំងរបស់ខ្លួន នឹងលក់ឱ្យពិភពលោកក្នុងតម្លៃសមរម្យអាចទទួលយកបាន ពោលគឺមិនថ្លៃពេក ហើយក៏មិនថោកពេកដែរ៕