ភាពយន្តថ្មីរបស់ ឈិនឡុង និង YangYang បរាជ័យក្រោមស្នាដៃគំនូរជីវចល ណាចា
- 2020-10-12 03:15:00
- ចំនួនមតិ 0 | ចំនួនចែករំលែក 0
ភាពយន្តថ្មីរបស់ ឈិនឡុង និង YangYang បរាជ័យក្រោមស្នាដៃគំនូរជីវចល ណាចា
ចន្លោះមិនឃើញ
ក្នុងរយៈពេល២ឆ្នាំចុងក្រោយ ស្នាដៃរបស់កំពូលតារាសម្ដែងចិន Jackie Chan សុទ្ធតែមិនទទួលបានផលវិជ្ជមាន។ រឿងថ្មីបំផុតរបស់លោក ត្រូវចាញ់គូប្រកួតដែលជារឿងគំនូរជីវលចលនៅពេលតទល់នឹងគ្នា។ បណ្ដាញព័ត៌មាន Sina បានរាយការណ៍ថា នៅក្នុងថ្ងៃដាក់បញ្ចាំងទី ១ ខ្សែភាពយន្ត Vanguard របស់តារាសម្ដែងប្រុសយូរឆ្នាំ Jackie Chan ត្រូវបានរឿងគំនូរជីវចល Jiang Ziya វ៉ាមុខដាច់ទាំងប្រាក់ចំណូល និងគុណភាព។ តាមនោះដែរ លទ្ធផលនេះបង្ហាញឲ្យឃើញថា ២ឆ្នាំចុងក្រោយនេះ កំពូលតារាសម្ដែងប្រុសឈិន ឡុងមិនមានស្នាដៃជោគជ័យឡើយ។
ក្រៅពីវត្តមានរបស់តារាសម្ដែងជើងចាស់ ឈិន ឡុង Vanguard ក៏មានការចូលរួមរបស់តារាសម្ដែងប្រុសកំពុងឡើងកូដ YangYang។ យ៉ាងណាក្ដី វត្តមានរបស់ប្រុសស្អាត ២៨ឆ្នាំ ក៏មិនអាចជួយលើកស្ទួយឲ្យស្នាដៃនេះជោគជ័យបានឡើយ។
ទស្សនិកជនបានលាន់មាត់ថា ដោយសារតែឆ្នាំនេះ មានវ័យ ៦៦ឆ្នាំហើយ ដូចនេះ ឈុតឆាកវាយតប់របស់លោកក៏លែងទាក់ទាញដូចមុន។ ម្យ៉ាងវិញទៀត ទស្សនិកជននៅពេលនេះ ផ្ដោតលើសាច់រឿងច្រើនជាងការវាយតប់គ្នា ដែលធ្វើឲ្យប្រភេទភាពយន្តខាងលើ គ្មានប្រជាប្រិយភាពដូចមុន។ Vanguard ចំណាយទុនផលិតជិត ១០០លានដុល្លារ ដោយថតពីអឺរ៉ុប ដល់អាស៊ី និងប្រទេសអារ៉ាប់រួម។ ក្រោយចាក់បញ្ចាំងបាន៣ថ្ងៃ ស្នាដៃនេះទទួលចំណូល ១៨លានដុល្លារ។ បណ្ដាញព័ត៌មាននានាវាយតម្លៃថា រឿងនេះនឹងពិបាកប្រមូលបានរួចខ្លួនវិញណាស់ ហើយគ្មានលទ្ធភាពចំណេញបានឡើយ៕