មកដឹងតម្លៃវ៉ាក់សាំងកូវីដ១៩ ដែលក្រុមហ៊ុនចិន លក់ឱ្យក្រុងមួយ
- 2020-10-19 02:38:34
- ចំនួនមតិ 0 | ចំនួនចែករំលែក 0
មកដឹងតម្លៃវ៉ាក់សាំងកូវីដ១៩ ដែលក្រុមហ៊ុនចិន លក់ឱ្យក្រុងមួយ
ចន្លោះមិនឃើញ
វ៉ាក់សាំងប្រឆាំងកូវីដ១៩ ឈ្មោះ «CoronaVac» របស់ក្រុមហ៊ុនចិន Sinovac Biotech កំពុងត្រូវបានលក់ទៅឱ្យក្រុង Jiaxing សម្រាប់ជាពិសេសចំពោះបុគ្គលិកពេទ្យ បុគ្គលិកសេវាសាធារណៈ និងមន្រ្តីកំពង់ផែ ហើយបន្ទាប់មកគឺសម្រាប់ប្រជាពលរដ្ឋទូទៅ។
** ទាញយក App Kley Kley នៅលើ Android និង iOS ដើម្បីទទួលបានព័ត៌មានលឿនរហ័ស **
មជ្ឈមណ្ឌលគ្រប់គ្រង និងការពារជំងឺឆ្លងនៃក្រុង Jiaxing បានឱ្យដឹងកាលពីថ្ងៃទី១៦ ខែតុលា ឆ្នាំ២០២០ថា វ៉ាក់សាំងនេះ នឹងត្រូវផ្តល់ឱ្យមនុស្សដែលមានអាយុចាប់ពី១៨ ដល់ ៥៩ឆ្នាំ ក្នុងតម្លៃ ៤០០យ័ន (៥៩,៥ដុល្លារ) សម្រាប់ការចាក់២ដង ឬក្នុងមួយដូសតម្លៃ ២០០យ័ន (២៩,៧៥ដុល្លារ)។ យ៉ាងណាមិញ វ៉ាក់សាំងនេះ មិនទាន់ត្រូវបានអនុញ្ញាតឱ្យចរាចរលើទីផ្សារនៅឡើយទេ ហើយនេះគឺសម្រាប់តែតម្រូវការបន្ទាន់តែប៉ុណ្ណោះ។
គួរដឹងថា វ៉ាក់សាំងរបស់ក្រុមហ៊ុន Sinovac បានឈានដល់ដំណាក់កាលសាកល្បងចុងក្រោយ នៅក្នុងប្រទេសប្រេស៊ីល ឥណ្ឌូណេស៊ី និងតួកគី ហើយលទ្ធផលបណ្តោះអាសន្ននឹងត្រូវបង្ហាញនាដើមខែវិច្ឆិកាខាងមុខនេះ៕
ចុចអាន៖ មកដឹងតម្លៃវ៉ាក់សាំងប្រឆាំងកូវីដ១៩ ទីមួយក្នុងលោក