ព្រោះខ្មោចប្រុសដើរតាមខ្លួន Lady Gaga សម្រេចទិញរបស់១ក្នុងតម្លៃ៥ម៉ឺនដុល្លារ

2020-11-13 01:09:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មិនខុសពីមនុស្សមួយចំនួន តារាចម្រៀងល្បីមួយរូបរបស់អាមេរិក Lady Gaga ក៏មានជំនឿអរូបិយផងដែរ ដោយក្នុងនោះនាងបានប្រាប់ថា មានខ្មោចប្រុសម្នាក់ចេះតែនៅក្បែរខ្លួននាងជារៀងរាល់ពេល។ ដើម្បីទប់ទល់នឹងព្រលឹងខ្មោចនោះ ម្ចាស់បទ "Bad Romance" បានសម្រេចទិញឧបករណ៍រុករកខ្មោចមួយគ្រឿងក្នុងតម្លៃដល់ទៅ ៥ម៉ឺនដុល្លារឯណោះ។

ឧបករណ៍ដែល Lady Gaga ទិញជាឧបករណ៍សម័យទំនើបមួយ ដែលអះអាងថាបានប្រើប្រាស់បច្ចេកវិទ្យាចុងក្រោយបំផុតកំណត់ដែនអេឡិចត្រូម៉ាញ៉េទិចដើម្បីដឹងពីវត្តមានរបស់វិញ្ញាណដែលនៅក្បែរ។ បើទោះជាយ៉ាងនេះក្ដី មិនទាន់មានសេចក្ដីរាយការណ៍ណាមួយរបស់តារាចម្រៀងស្រីរូបនេះបង្ហាញពីប្រសិទ្ធភាពនៃឧបករណ៍រុករកខ្មោចនោះទេ។

កាលពីកំឡុងឆ្នាំ២០១០កន្លងទៅ Lady Gaga រមែងប្រាប់គេឯងថា នាងត្រូវបានព្រលឹងខ្មោចប្រុសឈ្មោះ Ryan ដើរតាមគ្រប់កន្លែងជុំវិញពិភពលោកមិនថានាងទៅស្នាក់នៅ ឬទៅប្រគំតន្ត្រីនៅទីណាក៏ដោយ។ បើតាមសមាជិកក្រុមម្នាក់របស់ Lady Gaga បានរៀបរាប់ថា ខ្មោចប្រុស Ryan មិនបានធ្វើអ្វីហិង្សា ឬគួរឲ្យខ្លាចខ្លាំងទេ ប៉ុន្តែ Lady Gaga ពិតជារអានឹងវត្តមានរបស់គេណាស់។