ប្រទេស​កម្ពុជា បាន​ជាប់ចំណាត់​ថ្នាក់ទី១ក្នុងតំបន់អាស៊ី និងលេខ៣ ក្នុងពិភពលោក ចំពោះ​ការ​គ្រប់​គ្រង​ស្ថានភាព​ជំងឺកូវីដ១៩ ដោយមានប្រសិទ្ធភាព​បំផុត។ នេះបើយោងតាមការចាត់ចំណាត់ថ្នាក់របស់​ការិយាល័យ Bureau de Prospective Economique (BPE)។

ការវាយតម្លៃនេះ ធ្វើឡើង​គិតត្រឹមថ្ងៃទី១៥ ខែវិច្ឆិកា ឆ្នាំ​២០២០ ដោយ​បង្ហាញ​ថា ប្រទេស Saint Kitts and Nevis ជាប់ចំណាត់ថ្នាក់លេខ១ ពោលគឺ​ល្អដាច់គេ​ក្នុងពិភពលោក ក្នុងចំណោម ១៦៦ប្រទេស តាមពីក្រោយ​ដោយ​ប្រទេស Seychelles លេខ២, កម្ពុជា លេខ៣ និងបន្ទាប់មកគឺ​ប្រទេស New Caledonia និង ស៊ូដង់ខាងត្បូង។

ចំពោះ​តំបន់​អាស៊ី គឺកម្ពុជាលេខ១ តាមពីក្រោយ​ដោយថៃ លេខ២, ប្រ៊ុយណេ លេខ៣ និងអ៊ូបេគីស្ថាន លេខ៤។

សូមជម្រាបថា គិតត្រឹមថ្ងៃទី២០វិច្ឆិកានេះ កម្ពុជា មានករណីឆ្លងកូវីដ១៩សរុប ៣០៤នាក់ ក្នុងនោះជាសះស្បើយ២៩៤នាក់៕

ប្រភព៖ lepetitjournal