បុរសម្នាក់ដែលធ្លាប់ឆ្លងកូវីដនៅនេប៉ាល់ ក៏ស្រាប់តែរកឃើញឆ្លងម្តងទៀត ពេលមកដល់កម្ពុជា
- 2020-11-25 01:26:34
- ចំនួនមតិ 0 | ចំនួនចែករំលែក 0
បុរសម្នាក់ដែលធ្លាប់ឆ្លងកូវីដនៅនេប៉ាល់ ក៏ស្រាប់តែរកឃើញឆ្លងម្តងទៀត ពេលមកដល់កម្ពុជា
ចន្លោះមិនឃើញ
ក្រសួងសុខាភិបាល បានឱ្យដឹងនៅព្រឹកនេះថា កម្ពុជា មានករណីឆ្លងកូវីដ១៩ថ្មីម្នាក់ដែលជាជនជាតិនេប៉ាល់ ធ្វើដំណើរមកពីនេប៉ាល់ ទៅដូហា បន្តជើងហោះហើរនៅកូរ៉េខាងត្បូង មកដល់កម្ពុជា នៅថ្ងៃទី១១ ខែវិច្ឆិកា ឆ្នាំ២០២០។
អ្នកដំណើររូបនេះ ធ្លាប់មានវិជ្ជមានកូវីដ១៩ កាលពីនៅប្រទេសនេប៉ាល់ រួចមកហើយកាលពីថ្ងៃទី១៩ តុលា ២០២០។ មកដល់ថ្ងៃទី២ និងទី ៨ វិច្ឆិកា ២០២០ គាត់ត្រូវបានធ្វើតេស្តឡើងវិញ ដោយទទួលបានលទ្ធផលអវិជ្ជមានទាំងពីរលើក។
ថ្ងៃដែលបានមកដល់កម្ពុជា គាត់បានធ្វើតេស្តដោយទទួលបានលទ្ធផលអវិជ្ជមានកូវីដ១៩ នៅថ្ងៃទី១២ ខែវិច្ឆិកា ២០២០ ហើយត្រូវបានធ្វើចត្តាឡីស័កនៅសណ្ឋាគារមួយក្នុងរាជធានីភ្នំពេញ ដោយរូបគាត់ជាបុគ្គលិកអង្គការអន្តរជាតិមួយ។ លទ្ធផលតេស្តនៅថ្ងៃទី១៣នៃការធ្វើចត្តាឡីស័ករបស់គាត់ ត្រូវនឹងថ្ងៃទី២៤ ខែវិច្ឆិកា ២០២០ គឺវិជ្ជមានកូវីដ១៩។
គិតមកត្រឹមថ្ងៃទី២៥វិច្ឆិកានេះ កម្ពុជាមានករណីឆ្លងកូវីដ១៩សរុប ៣០៧នាក់ ក្នុងនោះជាសះស្បើយ ២៩៨នាក់៕