Angelababy ស្អាតដូចទេពអប្សរនៅក្នុងរឿងភាគបុរាណថ្មី ក្រោយពេលគ្មានរឿងថតជាង២ឆ្នាំ

2020-11-27 02:46:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយពេលត្រូវសម្រាកអស់រយៈពេល ២ឆ្នាំ ដោយសារត្រូវគេរិះគន់ថាគ្មានសមត្ថភាពសម្ដែងនោះ ចុងបញ្ចប់ តារាសម្ដែងស្រីល្បីឈ្មោះចិន Angelababy ក៏មានរឿងថ្មីសម្ដែងឡើងវិញ។

កាលពីថ្ងៃទី ២៦ ខែវិច្ឆិកាកន្លងទៅនេះ បណ្ដាញព័ត៌មាន Sohu បានចុះផ្សាយកម្រងរូបភាពថ្មីរបស់តារាសម្ដែងជួរមុខចិន Angelababy នៅពេលនាងកំពុងថតភាគបុរាណថ្មីដែលមានចំណងជើងថា Chen Yuan។ កម្រងរូបភាពថ្មីនេះ បង្ហាញឲ្យឃើញថា តារាសម្ដែងស្រី៣២ឆ្នាំ មានសម្រស់ស្រស់ស្អាត ហើយស័ក្ដិសមឥតខ្ចោះនឹងតួថ្មីនេះ។

មនុស្សជាច្រើនបានលាន់មាត់ថា បើមិនទាន់គិតដល់សមត្ថភាពសម្ដែង អ្នកម្ដាយកូន១រូបនេះ ត្រូវបានចាត់ទុកថាជាសិល្បការិនីដែលមានសម្រស់កំពូលតែម្ដង ដោយមិនថាតួសម័យ ឬបុរាណគឺសុទ្ធតែស្អាតឥតទាស់។ តាមនោះដែរ Chen Yuan គឺជាស្នាដៃទី ១ក្រោយ២ឆ្នាំ ស្រីស្អាតរូបនេះគ្មានរឿងថ្មីសម្ដែងជាតួឯក ព្រោះត្រូវគេរិះគន់ថាគ្មានសមត្ថភាពសម្ដែងទាល់តែសោះ ដោយសូម្បីតែឈុតយំក៏ប្រើទឹកមកតក់ភ្នែក។ បណ្ដាញព័ត៌មាន QQ បានឲ្យដឹងថា ដើម្បីស្រោចស្រង់កេរ្តិ៍ឈ្មោះ នៅពេលនេះ Baby ហ៊ានបន្ថយតម្លៃខ្លួនដល់ទៅ ៩០%ដើម្បីបានសម្ដែងរឿងល្អៗ៕