ដឹងអត់ថាផ្លូវល្បឿនលឿនភ្នំពេញ-ព្រះសីហនុ ធ្វើបានប៉ុន្មានម៉ែត្រក្នុង១ថ្ងៃ?
- 2020-12-01 02:33:04
- ចំនួនមតិ 0 | ចំនួនចែករំលែក 0
ដឹងអត់ថាផ្លូវល្បឿនលឿនភ្នំពេញ-ព្រះសីហនុ ធ្វើបានប៉ុន្មានម៉ែត្រក្នុង១ថ្ងៃ?
ចន្លោះមិនឃើញ
ការសាងសង់ផ្លូវល្បឿនលឿនពីភ្នំពេញ ទៅក្រុងព្រះសីហនុ គឺធ្វើបាន ៦០០ ទៅ ៧០០ម៉ែត្រក្នុងមួយថ្ងៃ តាមរយៈការប្រើប្រាស់បច្ចេកវិទ្យាថ្មី។ នេះបើតាមការបង្ហោះនៅលើទំព័រហ្វេសប៊ុក «ផ្លូវល្បឿនលឿនភ្នំពេញ-ព្រះសីហនុ» កាលពីថ្ងៃទី៣០ ខែវិច្ឆិកា ឆ្នាំ២០២០។
ផេកហ្វេសប៊ុកនេះ បានសរសេរយ៉ាងដូច្នេះថា៖
«ការច្នៃប្រឌិតបច្ចេកវិទ្យាថ្មីរបស់កម្ពុជាទទួលបានលទ្ធផលល្អអាចប្រើប្រាស់បានខ្នាតធំ! ផ្លូវល្បឿនលឿនភ្នំពេញ-ព្រះសីហនុបានអនុម័តបច្ចេកវិទ្យាសំណង់ក្រាលត្រួតពីរជាន់បន្តលើគ្នា។ ការតស៊ូរបស់អ្នកទាំងអស់គ្នាជាហេតុផលដែលយើងទទូលបានការជោគជ័យក្នុងការសាងសង់ប្រវែង ៦០០-៧០០មែត្រក្នុងមួយថ្ងៃ»។
សូមជម្រាបថា គម្រោងផ្លូវល្បឿនលឿន ភ្នំពេញ-ក្រុងព្រះសីហនុ តម្លៃប្រមាណ ២ពាន់លានដុល្លារ មានប្រវែងសរុបជាង ១៩០គីឡូម៉ែត្រ។ ផ្លូវនេះត្រូវបានបើកការដ្ឋានសាងសង់ នាថ្ងៃទី ២២ ខែ មីនា ឆ្នាំ ២០២០ ដោយរយៈពេលសាងសង់ចំនួន ៤៨ខែ ហើយគ្រោងនឹងបញ្ចប់ការសាងសង់មុនពេលកំណត់ នាចុងឆ្នាំ២០២២៕