វ៉ាក់សាំងកូវីដ១៩របស់ចិន ដឹកទៅដល់ប្រទេសអាស៊ានមួយនេះហើយ ត្រៀមចាក់ឱ្យប្រជាជនជាទ្រង់ទ្រាយធំ

2020-12-07 02:13:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ឥណ្ឌូណេស៊ី បានទទួលនូវចំនួនវ៉ាក់សាំងប្រឆាំងកូវីដ១៩ ដំបូងប្រមាណ ១,២លានដូស ពីក្រុមហ៊ុនចិន SinoVac Biotech ខណៈរដ្ឋាភិបាល ត្រៀមចាក់ឱ្យប្រជាជនខ្លួនជាទ្រង់ទ្រាយធំ។ នេះបើតាមការប្រកាសរបស់ប្រធានាធិបតីឥណ្ឌូណេស៊ី លោក ចូកូ វីដូដូ កាលពីថ្ងៃទី៦ ខែធ្នូ ឆ្នាំ២០២០។

លោកបន្ថែមថា រដ្ឋាភិបាលគ្រោងនឹងទទួលយកវ៉ាក់សាំង ១,៨លានដូសទៀតពីចិន នៅដើមខែមករា ឆ្នាំ២០២១ខាងមុខនេះ។

ជាមួយគ្នានោះ ឥណ្ឌូណេស៊ី ក៏នឹងរំពឹងថាទទួលបានវត្ថុធាតុដើម ដើម្បីអាចផលិតវ៉ាក់សាំងបានរហូតដល់ ១៥ ទៅ ៣០លានដូស នៅខែក្រោយនេះផងដែរ។

យ៉ាងណាមិញ លោកប្រធានាធិបតីបញ្ជាក់ថា វ៉ាក់សាំងត្រូវការវាយតម្លៃបន្ថែមទៀតដោយភ្នាក់ងារឱសថ និងចំណីអាហាររបស់ប្រទេសនេះ ខណៈរដ្ឋាភិបាលរបស់លោកក៏កំពុងរៀបចំបែងចែកវ៉ាក់សាំងនៅទូទាំងប្រទេស។

គិតមកត្រឹមថ្ងៃទី៧ខែធ្នូនេះ ឥណ្ឌូណេស៊ី មានករណីឆ្លងកូវីដ១៩សរុបជាង ៥៧,៥ម៉ឺននាក់ ក្នុងនោះស្លាប់ជាង ១ម៉ឺន ៧ពាន់នាក់ និងជាសះស្បើយជាង ៤៧,៤ម៉ឺននាក់៕

ប្រភព៖ Channelnewsasia