សាលាមួយនេះ នឹងបណ្តុះបណ្តាលកូនខ្មែរ ឱ្យចេះសង់ស្ពានឆ្លងកាត់ទន្លេដោយខ្លួនឯង
- 2021-01-12 08:17:59
- ចំនួនមតិ 0 | ចំនួនចែករំលែក 0
សាលាមួយនេះ នឹងបណ្តុះបណ្តាលកូនខ្មែរ ឱ្យចេះសង់ស្ពានឆ្លងកាត់ទន្លេដោយខ្លួនឯង
ចន្លោះមិនឃើញ
ក្រសួងសាធារណការ និងដឹកជញ្ជូន នឹងដាក់ឱ្យដំណើរការវិទ្យាស្ថានតេជោសែន សាធារណការ និងដឹកជញ្ជូននៅពេលដ៏ខ្លីខាងមុខ។ នេះបើតាមការបញ្ជាក់របស់លោក ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន ក្នុងពេលធ្វើបាឋកថាតាមអនឡាញ ជូនដល់កម្មសិក្សាការី និងសិស្សមន្រ្តីជាន់ខ្ពស់ជំនាន់ទី១១ នៃសាលាភូមិន្ទរដ្ឋបាល កាលពីថ្ងៃទី១១ ខែមករា ឆ្នាំ២០២១។
លោកទេសរដ្ឋមន្រ្តីលើកឡើងថា វិទ្យាស្ថាននេះនឹងបណ្តុះបណ្តាលចំណេះដឹងផ្នែកបច្ចេកទេសសាងសង់ផ្លូវ-ស្ពានដល់អ្នកជំនាន់ក្រោយឱ្យមានសមត្ថភាពពេញលេញ ពិសេសគឺអាចកសាងស្ពានឆ្លងទន្លេមេគង្គបានដោយកម្ពុជាខ្លួនឯង។
សូមជម្រាបថា វិទ្យាស្ថានតេជោសែន សាធារណការ និងដឹកជញ្ជូន ស្ថិតក្នុងវិទ្យាស្ថានបច្ចេកវិទ្យាកម្ពុជា។ នៅថ្ងៃទី១២មករានេះ គឺមានពិធីចុះហត្ថលេខាលើអនុស្សរណៈនៃការយោគយល់គ្នារវាង វិទ្យាស្ថានតេជោសែន សាធារណការ និងដឹកជញ្ជូន នៃក្រសួងសាធារណការ និងដឹកជញ្ជូន និងវិទ្យាស្ថានបច្ចេកវិទ្យាកម្ពុជា នៃក្រសួងអប់រំយុវជន និងកីឡា៕
ប្រភព៖ ក្រសួងសាធារណការ និងដឹកជញ្ជូន