ថ្លែងសារគោលនយោបាយការបរទេសដំបូងរបស់បៃឌិន គឺព្រមានចំៗទៅយោធាមីយ៉ាន់ម៉ាតែម្តង!
- 2021-02-05 03:21:47
- ចំនួនមតិ 0 | ចំនួនចែករំលែក 0
ថ្លែងសារគោលនយោបាយការបរទេសដំបូងរបស់បៃឌិន គឺព្រមានចំៗទៅយោធាមីយ៉ាន់ម៉ាតែម្តង!
ចន្លោះមិនឃើញ
លោក ចូ បៃឌិន ប្រធានាធិបតីអាមេរិក បានបញ្ចេញសារគោលនយោបាយការបរទេសជាលើកដំបូង នៅថ្ងៃទី៤ ខែកុម្ភៈ ឆ្នាំ២០២១ ក្នុងនោះលោកបានប្រាប់ទៅកាន់យោធាមីយ៉ាន់ម៉ា ឱ្យចុះចេញពីអំណាចវិញ ហើយដោះលែងមេដឹកនាំរដ្ឋាភិបាលស៊ីវិល។
លោកបញ្ជាក់ថា អាមេរិកកំពុងធ្វើការជាមួយសម្ព័ន្ធមិត្ត និងដៃគូរបស់ខ្លួន ជុំវិញរដ្ឋប្រហារនៅមីយ៉ាន់ម៉ា បន្ទាប់ពីលោកបានព្រមានដាក់ទណ្ឌកម្មលើប្រទេសនេះរួចមកហើយ។
ចូ បៃឌិន បានលើកឡើងយ៉ាងដូច្នេះថា៖ «នៅក្នុងប្រជាធិបតេយ្យ ការប្រើកម្លាំងមិនអាចយកឈ្នះឆន្ទៈប្រជាជន ឬប៉ុនប៉ងលុបលទ្ធផលបោះឆ្នោតបាននោះទេ។ យោធាភូមា គួរតែចុះចេញពីអំណាច ដែលពួកគេបានក្តោបក្តាប់ និងដោះលែងជាបន្ទាន់នូវមន្រ្តី និងសកម្មជន ដែលត្រូវបានឃុំខ្លួន ដកការរឹតត្បិតលើប្រព័ន្ធទូរគមនាគមន៍ (បើកដំណើរការបណ្តាញសង្គមឡើងវិញ) និងបញ្ឈប់អំពើហិង្សា»៕