Honda PCX150 ឆ្នាំ២០២១ ចេញលក់នៅអាមេរិក ប្រើម៉ាស៊ីនដូច PCX160 តម្លៃថោកជាងនៅខ្មែរ
- 2021-02-05 03:51:03
- ចំនួនមតិ 0 | ចំនួនចែករំលែក 0
Honda PCX150 ឆ្នាំ២០២១ ចេញលក់នៅអាមេរិក ប្រើម៉ាស៊ីនដូច PCX160 តម្លៃថោកជាងនៅខ្មែរ
ចន្លោះមិនឃើញ
កាលពីដើមឆ្នាំ២០២១ កន្លងទៅនេះ ក្រុមហ៊ុន Honda បានប្រកាសចេញម៉ូតូ PCX160 ស៊េរីឆ្នាំ២០២១ នៅក្នុងប្រទេសថៃ ដែលទទួលបានការចាប់អារម្មណ៍យ៉ាងខ្លាំង។ ដោយឡែកឥឡូវនេះ ក្រុមហ៊ុន Honda ទើបតែបានចេញលក់ PCX ស៊េរីឆ្នាំ២០២១ សម្រាប់ទីផ្សារសហរដ្ឋអាមេរិក ប៉ុន្តែប្រើប្រាស់ឈ្មោះ PCX150 ដូចស៊េរីចាស់ដដែល។
ថ្វីបើប្រើឈ្មោះម៉ូដែលចាស់មែន ប៉ុន្តែម៉ូតូ PCX150 ប្រើប្រាស់ម៉ាស៊ីន eSP+ ដូចទៅនឹង PCX160 ដែលដាក់លក់នៅប្រទេសថៃដែរ។ នេះមានន័យថា PCX150 លក់នៅសហរដ្ឋអាមេរិក ប្រើម៉ាស៊ីនកម្លាំង ១៦០សេសេដូចគ្នា។
យ៉ាងណាក៏ដោយ ម៉ូតូ PCX150 លក់នៅសហរដ្ឋអាមេរិក មិនខុសគ្នាពីម៉ូតូ PCX160 ដែលដាក់លក់នៅថៃ និងអឺរ៉ុបឡើយ ព្រោះមានបំពាក់លក្ខណៈពិសេសៗដូចគ្នា។ គួរឲ្យដឹងថា ម៉ូតូ PCX ថ្មី បានផ្លាស់ប្តូរការឌីហ្សាញច្រើន ដោយក្នុងនោះមានបំពាក់ចង្កៀងមុខ LED, ភ្លើងបំភ្លឺពេលថ្ងៃ LED, របាំងការពារខ្យល់ធំ, ចង្កៀងក្រោយរាងអក្សរ X ឌីហ្សាញបែប 3D, កែប២ជាន់, បូមក្រោយថ្មី, កុងទ័រ LED ថ្មី ចែកចេញជា ៣ផ្នែក, រន្ធសាកភ្លើង USB Type-C និង ប្រព័ន្ធ Smartkey, មានមុខងារទប់លំនឹង HSTC, ហ្វ្រាំង ABS, ហ្វ្រាំងឌីស, កាំមុខ ១៤អ៊ីញ និង កាំក្រោយ ១៣អ៊ីញ។
ម៉ូតូ Honda PCX150 ឆ្នាំ២០២១ លក់នៅសហរដ្ឋអាមេរិក ចែកចេញជា ២ ប្រភេទ គឺ ប្រភេទហ្វ្រាំងធម្មតា មានតម្លៃ ៣ ៨០០ដុល្លារ និងប្រភេទហ្វ្រាំង ABS មានតម្លៃ ៤ ០០០ដុល្លារ។ បើប្រៀបធៀបតម្លៃនៅទីផ្សារស្រុកខ្មែរវិញ ប្រភពពីអ្នកលក់បានឲ្យដឹងថា ម៉ូតូ PCX160 មានជម្រើស ៤ ពណ៌ គឺ ស តម្លៃ ៥ ៣៩០ដុល្លារ , ក្រហម តម្លៃ ៥ ៣០០ដុល្លារ , ទឹកប្រាក់ តម្លៃ ៥ ៣៥០ដុល្លារ និង ខ្មៅ មានតម្លៃថ្លៃជាងគេ ៥ ៦៤០ដុល្លារ ដោយតម្លៃនេះគឺបូករួមទាំងពន្ធរួចជាស្រេច៕