ដឹងហើយអាណិត! ក្លឹបថ្មីស៊ីញ៉េកុងត្រាយក Honda ៥ ថ្ងៃស្រាប់តែសុំបែកចែកផ្លូវគ្នា

2021-02-15 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែបម្រើប្រយុទ្ធវ័យ ៣៤ ឆ្នាំ Keisuke Honda ទើបនឹងរកបានក្លឹបថ្មីនៅអឺរ់ុប និងថតរូបចុះហត្ថលេខាត្រឹមត្រូវជាមួយក្លឹបនៅលីគកំពូលព័រទុយហ្កាល់ Portimonense កាលពីសប្ដាហ៍មុន។ រំលងតែ ៥ ក្រោយមកពោលគឺនៅថ្ងៃទី ១៣ ខែកុម្ភៈនេះ ស្រាប់តែក្លឹបដដែលនេះសម្រេចបញ្ចប់កិច្ចសន្យារបស់អតីតកីឡាករជម្រើសជាតិជប៉ុន។

Honda ពេលធ្វើសន្និសិទ្ធកាសែតនៅព័រទុយហ្គាល់

មូលហេតុដែលបណ្ដាលឲ្យកើតមានរឿងនេះបានដោយសារតែច្បាប់នៅក្នុងលីគព័រទុយហ្គាល់ តម្រូវឲ្យការផ្ទរកីឡាករណាម្នាក់ក្នុងលក្ខខណ្ឌ (free agent) ទាមទារឲ្យប្រាកដថាយ៉ាងហោចណាស់កីឡាកររូបនោះត្រូវបញ្ចប់កិច្ចសន្យារួចរាល់ជាមួយក្លឹបចាស់ និងទំនេរគ្មានក្លឹបលេង (គិតចាប់តាំងពីខែតុលា)។

ករណីនេះ Honda ទើបនឹងដោះស្រាយជាមួយក្លឹបចាស់ប្រេស៊ីល Botafogo អំឡុងខែធ្នូនេះប៉ុណ្ណោះជាហេតុធ្វើឲ្យ ក្លឹបព័រទុយហ្គាល់ខាងលើ មិនមានសិទ្ធចុះឈ្មោះរូបលោកឱ្យចូលរួមប្រកួតបាន។

ដោយឡែករឿងរ៉ាវផ្ទេរមកនេះ ត្រូវបានប្រភពព័ត៌មានរំលេចឲ្យដឹងថា នាយករដ្ឋបាលកីឡារបស់ក្លិបនិងមន្រ្តីក្លឹបមួយចំនួនមិនទាំងដឹងផង។ អាចនិយាយបានថា ករណីនេះ ចម្លែកណាស់ក្នុងទីផ្សារដោះដូរ។

ជម្រាបជូនដែរថា ក្លឹប Portimonenseកំពុងឈរលេខ ១៦ក្នុងចំណោមក្រុមទាំង ១៨ ជាតំបន់ប្រឈមនឹងធ្លាក់ទៅលីគ២ ក្រោយឆ្លងកាត់អស់១៩សប្ដាហ៍៕

ប្រភព៖ sportbible ប្រែសម្រួល៖ រក្សា