រកឃើញប្រទេសដំបូងគេ ដែលទទួលបានវ៉ាក់សាំងកូវីដពី COVAX ហើយ!

2021-02-24 09:28:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី២៤ ខែកុម្ភៈ ឆ្នាំ២០២១នេះ ហ្គាណា បានក្លាយជាប្រទេសដំបូងគេដែលទទួលបានវ៉ាក់សាំងកូវីដ១៩ ពី COVAX ក្នុងចំនួន ៦០ម៉ឺនដូសដែលជាវ៉ាក់សាំងផលិតដោយវិទ្យាស្ថានសេរ៉ូមឥណ្ឌា សហការជាមួយក្រុមហ៊ុន AstraZeneca។

វ៉ាក់សាំងដែលផលិតដោយវិទ្យាស្ថានសេរ៉ូមនៃប្រទេសឥណ្ឌា

ក្រោយទទួលបាន ប្រទេសអាហ្វ្រិកមួយនេះនឹងចាប់ផ្តើមយុទ្ធនាការចាក់វ៉ាក់សាំង នៅថ្ងៃទី១ ខែមីនា ឆ្នាំ២០២១ខាងមុខ។

ហ្គាណារំពឹងថានឹងទទួលបានវ៉ាក់សាំងនេះពី COVAX ជាច្រើនដូសបន្ថែមទៀត ក្នុងរយៈពេលប៉ុន្មានខែខាងមុខ ពោលគឺនឹងអាចទទួលបានសរុបប្រមាណ ២,៤លានដូស។

សូមរំលឹកថា កាលពីថ្ងៃទី១៥កុម្ភៈ អង្គការសុខភាពពិភពលោកបានសម្រេចចុះបញ្ជីវ៉ាក់សាំងបង្ការជំងឺកូវីដ១៩ របស់ក្រុមហ៊ុន AstraZeneca ដែលផលិតក្នុងប្រទេសឥណ្ឌា COVISHIELD សម្រាប់ការប្រើប្រាស់បន្ទាន់។

មជ្ឈមណ្ឌល COVAX បញ្ជាក់ថា ខ្លួននឹងចែកចាយវ៉ាក់សាំងកូវីដ១៩ ប្រមាណ ២ពាន់លានដូស ទៅកាន់ពិភពលោកនៅត្រឹមចុងឆ្នាំ២០២១៕

ប្រភព៖ Reuters