អេស្ប៉ាញ ប្តូរពីវ៉ាក់សាំង AstraZeneca មកប្រើ Johnson & Johnson ចាក់លើមនុស្សអាយុ ៦៦ឆ្នាំឡើង
- 2021-03-31 01:54:17
- ចំនួនមតិ 0 | ចំនួនចែករំលែក 0
អេស្ប៉ាញ ប្តូរពីវ៉ាក់សាំង AstraZeneca មកប្រើ Johnson & Johnson ចាក់លើមនុស្សអាយុ ៦៦ឆ្នាំឡើង
ចន្លោះមិនឃើញ
ប្រទេសអេស្ប៉ាញ បានផ្លាស់ប្តូរនូវផែនការចាក់វ៉ាក់សាំងកូវីដ១៩ AstraZeneca ទៅប្រើវ៉ាក់សាំង Johnson & Johnson ជំនួសវិញ សម្រាប់ចាក់លើមនុស្សអាយុចាប់ពី ៦៦ឡើង។ នេះបើតាមការផ្សព្វផ្សាយរបស់វិទ្យុ Cadena Ser នៅថ្ងៃទី៣១ ខែមីនា ឆ្នាំ២០២១នេះ។
ការសម្រេចបែបនេះ ធ្វើឡើងបន្ទាប់ពីអេស្ប៉ាញ កំណត់អាយុអ្នកចាក់វ៉ាក់សាំង AstraZeneca ពី ១៨-៦៥ឆ្នាំ កាលពីសប្តាហ៍មុន។
វ៉ាក់សាំង Johnson & Johnson ត្រូវបានសហភាពអឺរ៉ុប អនុញ្ញាតឱ្យប្រើប្រាស់ ប៉ុន្តែគ្មានប្រទេសអឺរ៉ុបណាមួយ រួមទាំងអេស្ប៉ាញផង ទទួលបានវ៉ាក់សាំងនេះនៅឡើយទេ។ ដូច្នេះអ្នកប្រជាជនអេស្ប៉ាញ ចាប់ពីអាយុ៦៦ឆ្នាំឡើង ត្រូវរង់ចាំសិន។
គិតមកត្រឹមថ្ងៃទី៣០មីនា អេស្ប៉ាញ បានចាក់វ៉ាក់សាំងឱ្យប្រជាជនបានប្រមាណជាង ៧,៧លានដូស ក្នុងនោះអ្នកចាក់គ្រប់២ដូស មាន ៥,៧% នៃប្រជាជនសរុប និង ១១% ចាក់បានដូសទីមួយ៕