Justin Bieber៖ លើខ្លួន សាក់កន្លែងណាក៏បាន តែអត់សាក់នៅត្រង់នេះទេ!

2021-04-07 00:00:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ជាការពិតណាស់ តារាចម្រៀងល្បី Justin Bieber គឺជាមនុស្សម្នាក់ដែលគ្រប់គ្នាដឹងស្រាប់មកហើយថាលោកជាបុគ្គលស្រឡាញ់សិល្បៈនៃការសាក់នៅលើដងខ្លួន។ Justin ធ្លាប់បានរៀបរាប់ថា រាល់ស្នាមសាក់នីមួយៗសុទ្ធតែជាដាននៃការចងចាំព្រឹត្តិការណ៍សំខាន់ៗនៅក្នុងជីវិតរបស់លោកដូចជា ភាពជោគជ័យនៅលើវិថីសិល្បៈ អតីតមិត្តស្រី និងការដាស់តឿនខ្លួនឯង ជាដើម។

ពាក់ព័ន្ធនឹងការសាក់រូបនៅលើរាងកាយនេះ ម្ចាស់បទ "Baby" បានផ្ដល់បទសម្ភាសន៍មួយតាមរយៈប៉ុស្តិ៍វិទ្យុ Sirius XM ថា គ្រប់កន្លែងនៅលើខ្លួនគឺលោកអាចសាក់បានទាំងអស់ លើកតែប្រអប់ដៃមួយប៉ុណ្ណោះ។ Justin បាននិយាយដូច្នេះថា "ខ្ញុំបានសន្យានឹងខ្លួនឯងថា ខ្ញុំមិនត្រូវការការសាក់នៅលើប្រអប់ដៃនោះទេ"។

ពេលសួរនាំពីមូលហេតុ Justin បានឆ្លើយថា វាមានទាក់ទិននឹងការស្លៀកពាក់ ជាពិសេសគឺនៅពេលស្លៀកពាក់ឈុតអាវធំ។ "នេះក៏ព្រោះការដែលអាចស្លៀកពាក់ឈុតអាវធំ ហើយមិនឃើញស្នាមសាក់នៅលើប្រអប់ដៃរបស់ខ្ញុំ។ ខ្ញុំមិនដឹងច្បាស់ដែរ។ ប៉ុន្តែវាពិតជាកន្លែងតែមួយគត់ដែលនៅសល់ (មិនបានសាក់)" នេះជាការរៀបរាប់របស់ Justin។

សូមបញ្ជាក់ថា ស្នាមសាក់របស់ Justin មានជាច្រើននៅលើខ្លួន ដូចជា រូបខ្លាឃ្មុំ មកុដ ផ្កាកូលាប ឈើឆ្កាង បក្សីសមុទ្រ ឆ្នាំកំណើតរបស់ម្ដាយ រូបតោ និងរូបសាក់ជាអក្សរផ្សេងៗទៀត៕