តារា​ស្រី​រុស្សី​ធ្វើ​សក់​កម្ពស់​ជិត ១​ម៉ែត្រ លើ​កម្រាល​ព្រំ​ក្រហម Cannes

  • 2021-07-12 01:39:00
  • ចំនួនមតិ 0 | ចំនួនចែករំលែក 140

ចន្លោះមិនឃើញ


ម៉ូដ​សក់​របស់​តារា​សម្ដែង​ស្រី​ល្បី​ឈ្មោះ​រុស្សី Elena Lenina បាន​ធ្វើ​ឲ្យ​នាង​ទទួល​បាន​ការ​ចាប់​អារម្មណ៍​ជាង​គេ​​ក្នុង​កម្មវិធី​មហោស្រពភាពយន្ត Cannes។

កាល​ពី​ថ្ងៃ​ទី ១១​ ខែ​កក្កដា​កន្លង​ទៅ​នេះ បណ្ដាញ​ព័ត៌មាន The Dailymail បាន​រាយការណ៍​ថា​ តារា​សម្ដែង​ស្រី​ល្បី​ឈ្មោះ​រុស្សី Elena Lenina បាន​វ៉ា​ដាច់​អស់​សិល្បករ​នានា​នៅ​ពេល​នាង​ដើរ​លើ​​កម្រាល​ព្រំ​ក្រហម​​របស់​មហោស្រព​ភាពយន្ត Cannes ដែល​ត្រូវ​បាន​ប្រព្រឹត្ត​ឡើង​នៅ​ប្រទេស​បារាំង។

តាមនោះ​ដែរ ​វត្តមាន​នៅ​ក្នុង​កម្មវិធី​ខាង​លើ ស្រី​ស្អាត​វ័យ ៤១​ឆ្នាំ ស្លៀក​រ៉ូប​ពណ៌​មាស រំលេច​ដោយ​ម៉ូដ​ច្រវ៉ាក់ ហើយ​អ្វី​ដែល​ធ្វើ​ឲ្យ​នាង​លេច​ធ្លោ​ជាង​តារា​ដទៃ​នោះ​គឺ ម៉ូដ​សក់​របស់​នាង​មាន​កម្ពស់​ដល់​ទៅ​ជិត​១​ម៉ែត្រ​​ឯណោះ។ នេះ​មិន​មែន​ជា​លើក​ទី​១​ឡើយ ដែល​តារា​ស្រី​កើត​ឆ្នាំ ១៩៧៩ លេង​ខ្លួន​ប្លែក​បែប​នេះ ដោយ​កាល​ពី​ថ្ងៃ​បើក​ឆាក​ទី​១​នៃ​កម្មវិធី​ខាង​លើ នាង​ក៏​បាន​លេង​ម៉ូដ​ក្រង​ធំ ឈ្នះ​អស់​តារា​ដទៃ​ម្ដង​រួច​មក​ហើយ។ បណ្ដាញ​ព័ត៌មាន​ជា​ច្រើន​បាន​ឲ្យ​ដឹង​ថា សម្រាប់ Cannes ឆ្នាំ​នេះ គឺ​អាច Elena ល្បី​ជាង​គេ​ហើយ​សម្រាប់​​ការ​តែ​ង​ខ្លួន​៕

ប្រភព៖ news.zing.vn ប្រែ​សម្រួល៖ Caramel

;