កម្ពុជាសម្តែងការខកចិត្តចំពោះEU រឿង...

2017-05-05 04:03:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រិតកម្មនេះ ធ្វើឡើងកាលពីម្សិលមិញ តាមរយៈសេចក្តីថ្លែងការណ៍មួយរបស់ក្រសួងការបរទេសកម្ពុជា និង បន្ទាប់ពីសហភាពអឺរ៉ុបប្រចាំនៅកម្ពុជា បានអំពាវនាវឲ្យមាន ការដោះលែងមន្រ្តីការពារសិទ្ធិមនុស្សអាដហុក ៤ រូប និង អគ្គលេខាធិការរង គ.ជ.ប ដែលកំពុងជាប់ឃុំ។

សេចក្តីថ្លែងការណ៍របស់ សហភាពអឺរ៉ុប ដែលចេញផ្សាយកាលពីម្សិលមិញដែរនោះ បានចាត់ទុកការបន្តឃុំខ្លួនមន្រ្តីសិទ្ធិមនុស្សទាំងនោះថា ជាការធ្វើឡើងតាមអំពើចិត្ត។សហភាពអឺរ៉ុប បានទាមទារឱ្យដោះលែងអ្នកទាំង ៥ផងដែរ។

និមិត្តសញ្ញារបស់សហភាពអឺរ៉ុប

ក្រសួងការបរទេសកម្ពុជាថា សហភាពអឺរ៉ុបកំពុងជ្រៀត ជ្រែកកិច្ចការផ្ទៃក្នុងរបស់ខ្លួន និងថា សំណុំរឿងនេះគឺជាការអនុវត្តនីតិវិធីរបស់តុលាការកម្ពុជាសុទ្ធសាធ។ ជាមួយគ្នានេះដែរ កម្ពុជាបានស្នើប្រតិភូសហភាពអឺរ៉ុបប្រចាំនៅកម្ពុជា គោរពឱ្យបានហ្មត់ចត់ចំពោះកាតព្វកិច្ចរបស់ខ្លួន ដូចដែលមានចែងនៅក្នុងអនុសញ្ញាទីក្រុងវីយ៉ែន។

(រូបភាពពី #freethe5)

អ្នកទាំង ៥ នេះ រួមមានលោកស្រី លឹម មុនី លោក ណៃ វ៉ងដា លោក នី សុខា លោក យី សុខសាន្ត និង នី ចរិយា អគ្គលេខាធិការរងគ.ជ.ប និង ជាអតីត មន្រ្តី អង្គការ អាដ ហុក។ អ្នកទាំង ៥ ត្រូវបានតុលាការឃុំខ្លួនអស់រយៈពេល ១ ឆ្នាំហើយ គិតចាប់តាំងពីថ្ងៃទី ២៨ ខែមេសា ឆ្នាំ២០១៦ ដោយចោទប្រកាន់ពីបទសូកប៉ាន់សាក្សី ក្នុងសំណុំរឿងអាស្រូវផ្លូវភេទរវាងលោក កឹម សុខា និងកញ្ញា ស្រី មុំ៕