កម្ពុជា រៀបចំធ្វើជាម្ចាស់ផ្ទះ "វេទិកាសេដ្ឋកិច្ចពិភពលោកស្ដីពីអាស៊ាន”

2017-05-05 06:48:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តាមការអញ្ជើញរបស់សម្តេច ហ៊ុន សែន នាយករដ្ឋមន្ត្រីកម្ពុជា លោក ថងលូន ស៊ីស៊ីលីត នាយករដ្ឋមន្ត្រីឡាវ លោក រ៉ូឌ្រីហ្គោ រ៉ូ ឌុយតឺតេ ប្រធានាធិបតីហ្វីលីពីន និងលោក ង្វៀន សួនហ៊្វុក នាយករដ្ឋមន្ត្រីវៀតណាម រួមទាំងតំណាងប្រមុខរដ្ឋ រដ្ឋាភិបាល និងរដ្ឋមន្ត្រីជាច្រើនក្នុងតំបន់អាស៊ីប៉ាស៊ីហ្វិក នឹងអញ្ជើញមកចូលរួម វេទិកាសេដ្ឋកិច្ចពិភពលោកស្តីពីអាស៊ាន ដែលនឹងប្រព្រឹត្តទៅពីថ្ងៃទី១០ ដល់ថ្ងៃទី១២ ឧសភា ២០១៧ នៅរាជធានីភ្នំពេញ។

សម្ដេច ហ៊ុន សែន ថ្លែងក្នុងវេទិកាសេដ្ឋកិច្ចពិភពលោក

ក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា វេទិកាដែលនឹងរៀបចំឡើងដោយព្រះរាជាណាចក្រកម្ពុជា ក្រោមមូលបទ “យុវជន បច្ចេកវិទ្យា និងកំណើន៖ ការធានាពីគុណភាពប្រយោជន៍ផ្នែកប្រជាសាស្ត្រ និងឌីជីថលរបស់អាស៊ាន” ដែលនឹងមានការអញ្ជើញចូលរួមផងដែរ ពីអ្នកធ្វើការសម្រេចថ្នាក់ខ្ពស់ពីផ្នែកឧស្សាហកម្ម ហើយនឹងឥស្សរជនសំខាន់ៗ លើវិស័យកម្លាំងការងារវ័យក្មេង និងប្រកបដោយថាមពល ដែលកំពុងកើនឡើងនៅក្នុងតំបន់ ក្នុងការស្ថាបនាអនាគតដ៏ត្រចះត្រចង់របស់តំបន់។ វេទិកានេះ ក៏នឹងផ្តល់កាលានុវត្តនភាពសម្រាប់ការលើកស្ទួយកិត្តិនាមអន្តរជាតិ និងមោទនភាពជាតិរបស់កម្ពុជា។ លើសពីនេះទៀត វេទិកានេះ នឹងរួមចំណែកដល់ការលើកតម្កើងកាលានុវត្តវិស័យវិនិយោគ និងទេសចរណ៍របស់កម្ពុជា ដែលភាគច្រើននៃសក្ដានុពលដ៏ធំនេះ មិនទាន់ត្រូវនាំយកមកប្រើប្រាស់នៅឡើយ។

យុវជនកម្ពុជា

វេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧ ត្រូវបានរំពឹងទុកថា នឹងផ្ដល់លទ្ធផលប្រកបដោយផ្លែផ្កា ដើម្បីលើកកម្ពស់ថែមទៀតដល់ការអភិវឌ្ឍប្រកបដោយចិរភាព សន្តិភាព និងវិបុលភាព ដែលរួមចំណែកដល់ការកសាងសហគមន៍អាស៊ានដ៏រឹងមាំមួយ៕