អាស៊ាន ត្រូវការថវិកា ៧០ពាន់ពាន់លានដុល្លារ ដើម្បីលើកកម្ពស់ហេដ្ឋារចនាសម្ព័ន្ធ
- 2017-05-12 04:06:05
- ចំនួនមតិ 0 | ចំនួនចែករំលែក 0
អាស៊ាន ត្រូវការថវិកា ៧០ពាន់ពាន់លានដុល្លារ ដើម្បីលើកកម្ពស់ហេដ្ឋារចនាសម្ព័ន្ធ
ចន្លោះមិនឃើញ
អ្នកដឹកនាំគម្រោងទុនហេដ្ឋារចនាសម្ព័ន្ធអាស៊ីប៉ាស៊ីហ្វិក លោក Mark Rathbone បានលើកឡើងក្នុងវេទិកាសេដ្ឋកិច្ចពិភពលោកកាលពីថ្ងៃទី១១ ខែឧសភា ឆ្នាំ២០១៧ នៅសណ្ឋាគារសុខាភ្នំពេញថា អាស៊ានត្រូវការ ៧០ពាន់ពាន់លានដុល្លារ ដើម្បីអភិវឌ្ឍន៍ និងលើកកម្ពស់ហេដ្ឋារចនាសម្ព័ន្ធ ដើម្បីធានាការអភិវឌ្ឍសេដ្ឋកិច្ចប្រកបដោយនិរន្តរភាព។ នេះបើយោងតាមការចេញផ្សាយរបស់ទីភ្នាក់ងារសារព័ត៌មានរដ្ឋ AKP កាលពីម្សិលមិញ៕
លោកបញ្ជាក់ថា ថវិកានេះ គឺត្រូវការចាប់ពីពេលនេះ រហូតដល់ឆ្នាំ២០២៥។ ចំណែកថវិកាប្រមាណ ១,៦ពាន់ពាន់លានដុល្លារទៀត ក៏អាស៊ានត្រូវការក្នុងរយៈពេល១០ឆ្នាំទៅមុខផងដែរ សម្រាប់តម្រូវការជាទូទៅ។
លោក Mark Rathbone បន្តថា កម្ពុជា គឺជាប្រទេសដែលកំពុងមានការអភិវឌ្ឍសេដ្ឋកិច្ចយ៉ាងលឿនក្នុងតំបន់។ លោកបានជំរុញឱ្យកម្ពុជា អភិវឌ្ឍផ្លូវថ្នល់ ប្រព័ន្ធធារាសាស្រ្ត និងសម្រួលការដឹកជញ្ជូន ដើម្បីត្រៀមទទួលការវិនិយោគបន្ថែមពីបរទេស។
សូមបញ្ជាក់ថា វេទិកាសេដ្ឋកិច្ចពិភពលោកស្តីពីអាស៊ាន ឆ្នាំ២០១៧ ដែលកម្ពុជាធ្វើជាម្ចាស់ផ្ទះ ចាប់ពីថ្ងៃទី១០ ដល់ ១២ឧសភា មានអ្នកចូលរួមជិត ១ពាន់នាក់ ក្នុងនោះក៏មានមេដឹកនាំអាស៊ាន៣ប្រទេស (ហ្វីលីពីន វៀតណាម ឡាវ) និងថ្នាក់ដឹកនាំ ថ្នាក់រដ្ឋមន្រ្តីមកពីអាស៊ាន និងពិភពលោកចំនួន ១៨ផ្សេងទៀត ព្រមទាំងវិស័យឯកជន ដើម្បីចូលរួមជជែកពិភាក្សាប្រធានបទ «យុវជន បច្ចេកវិទ្យា និងកំណើន»៕