សហប្រធាននៃវេទិកាសេដ្ឋកិច្ចពិភពលោក៖ ព្រំដែនមិនមែនជារបាំងនៃការអភិវឌ្ឍអាស៊ានទៀតទេ
- 2017-05-12 13:06:39
- ចំនួនមតិ 0 | ចំនួនចែករំលែក 0
សហប្រធាននៃវេទិកាសេដ្ឋកិច្ចពិភពលោក៖ ព្រំដែនមិនមែនជារបាំងនៃការអភិវឌ្ឍអាស៊ានទៀតទេ
ចន្លោះមិនឃើញ
វេទិកាសេដ្ឋកិច្ចពិភពលោកស្តីពីអាស៊ាន ដែលធ្វើឡើងនៅកម្ពុជា ត្រូវបានបិទបញ្ចប់ហើយនៅរសៀលថ្ងៃទី១២ឧសភា ក្រោមប្រធានបទ «យុវជន បច្ចេកវិទ្យា និងកំណើន។ សហប្រធាននៃវេទិកា ទាំង៦ បានចូលរួមចែករំលែកនៃកិច្ចប្រជុំ និងការតាំងចិត្តធ្វើឱ្យតំបន់មានកំណើនទាំងការងារ និងសេដ្ឋកិច្ច នៅក្នុងឆ្នាំខាងមុខ។
លោក John Rice អនុប្រធានក្រុមហ៊ុន General Electric និយាយថា ព្រំដែនមិនមែនជារបាំងនៃការអភិវឌ្ឍអាស៊ានទៀតទេ។ លោកពន្យល់ថា អាស៊ានអាចធ្វើពាណិជ្ជកម្មបានតាមផ្លូវអាកាស ថាមពល និងអេឡិចត្រូនិចបាន។
លោក Wolfgang Jamann ប្រធានអង្គការ Care International លើកឡើងថា នាថ្ងៃអនាគត អាស៊ាន ត្រូវជំរុញតួនាទីយុវជន ជាពិសេសអភិវឌ្ឍន៍បច្ចេកវិទ្យា និងគណនេយ្យភាពសង្គម ដែលតម្រូវឱ្យរដ្ឋាភិបាលទាំងអស់ ធ្វើការរួមគ្នាជាមួយសហគមន៍។
កញ្ញា Tan Hool Ling សហស្ថាបនិកក្រុមហ៊ុន GRAP មកពីសិង្ហបុរី ចង់ឃើញអាស៊ានមានការរីកចម្រើន និងសំណូមពរឱ្យមេដឹកនាំប្រទេសនីមួយៗ ត្រូវតម្រង់ទិសបែបណា ដល់យុវជនអាស៊ាន ដើម្បីឱ្យពួកគេស្វែងយល់ពីភាពជោគជ័យរបស់មេដឹកនាំនីមួយៗ។
លោក Jamaludin Ibrahim នាយកក្រុមហ៊ុន Axiata និយាយថា ចក្ខុវិស័យអាស៊ានក្នុងពេលសមាហរណកម្មនេះ ត្រូវមានការតាំងចិត្តខ្ពស់ ពីមេដឹកនាំនីមួយៗ ដោយធ្វើការរួមគ្នាចំពោះការរីកចម្រើនវិស័យសេដ្ឋកិច្ច និងបច្ចេកវិទ្យា។
លោក Tevin Vonvanich នាយកក្រុមហ៊ុន PTT អះអាងថា លោកនឹងបង្កើនការវិនិយោគក្នុងតំបន់ ដោយពិនិត្យមើលលើការអភិវឌ្ឍបច្ចេកវិទ្យា ដោយមានភាពសុខដុមរមនីយកម្មជាមួយគ្នា ជាពិសេសផ្នែកហេដ្ឋារចនាសម្ព័ន្ធ អគ្គិសនី ធនធានធម្មជាតិ និងថាមពលកកើតឡើងវិញ៕