លោក ប៉ា សុជាតិវង្ស បញ្ជាក់ថា គ្មានការបណ្តេញពលរដ្ឋដែលរស់នៅតាមបណ្តោយផ្លូវរទេះភ្លើងឡើយ

2017-05-25 00:25:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អភិបាលរាជធានីភ្នំពេញ លោក ប៉ា សុជាតិវង្ស បានអះអាងថា អាជ្ញាធរនឹងពន្លឿនការដោះស្រាយផលប៉ះពាល់ជូនពលរដ្ឋរស់នៅផ្លូវរទេះភ្លើងឱ្យបានឆាប់ និងមិនចាំបាច់ឱ្យពលរដ្ឋរើចេញពីតំបន់នេះឡើយ។ លោកលើកឡើងដូច្នេះ ក្នុងពេលចុះត្រួតពិនិត្យផលប៉ះពាល់លំនៅឋានរបស់ពលរដ្ឋរស់នៅតាមបណ្តោយផ្លូវរថភ្លើង នៅខណ្ឌឬស្សីកែវ កាលពីថ្ងៃទី២៤ឧសភា។

លោក ប៉ា សុជាតិវង្ស បានជំរុញឱ្យអាជ្ញាធរ និងមន្ទីរពាក់ព័ន្ធ ពន្លឿនការអភិវឌ្ឍផ្លូវដែកនេះ ដោយចាក់បេតុង និងរៀបចំលំនៅឋានជូនពលរដ្ឋឱ្យបានឆាប់។

ការដ្ឋានស្ថាបនាផ្លូវ ក្រោយផ្លូវដែកត្រូវដកចេញ

មន្ទីរសាធារណការ និងដឹកជញ្ជូនរាជធានីភ្នំពេញ ឱ្យដឹងថា គម្រោងផ្លូវបេតុង ជំនួសផ្លូវដែកនេះ មានទំហំម្ខាង ១៥ម៉ែត្រ ក្នុងនោះត្រូវសាងសង់ផ្លូវ ២២ម៉ែត្រ និងទុកចិញ្ចើមម្ខាង ៤ម៉ែត្រ សម្រាប់ដាក់លូ និងប្រព័ន្ធទឹកស្អាតជាដើម។ ផ្លូវនេះមានប្រវែងជិត ៥គីឡូម៉ែត្រ ចាប់ពីផ្លូវលេខ ៧០ ទំនប់ទួលគោក ឆ្ពោះទៅផ្លូវជាតិលេខ ខណ្ឌឬស្សីកែវ សង្កាត់គីឡូម៉ែត្រលេខ៦៕

ប្រភព៖ AKP ប្រែសម្រួល៖ សំភី