ប្រឡាយស្ទឹងមានជ័យ គ្រោងសាងសង់ជាបេតុង

2017-05-27 02:09:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ប៉ា សុជាតិវង្ស អភិបាលរាជធានីភ្នំពេញ បានលើកឡើងពីគម្រោងធ្វើប្រឡាយស្ទឹងមានជ័យជាប្រឡាយបេតុង ដោយស្ថាបនាជាផ្លូវបេតុងអមសងខាងប្រឡាយនេះ នៅក្នុងពិធីសំណេះសំណាលជាមួយប្រជាពលរដ្ឋ ៤៨៤គ្រួសារ ដែលរស់នៅតំបន់សហគមន៍ប្រឡាយស្ទឹងមានជ័យ កាលពីថ្ងៃទី២៦ ខែឧសភា ឆ្នាំ២០១៧។

ក្នុងឱកាសនោះដែរ លោកបានណែនាំដល់មន្ទីរជំនាញ និងមន្ត្រីរដ្ឋបាលរាជធានីចុះត្រួតពិនិត្យទីតាំងខាងលើ ដើម្បីពិនិត្យលទ្ធភាពស្នើសុំរាជរដ្ឋាភិបាល ធ្វើប្រទានកម្មជូនប្រជាសហគមន៍ ទៅតាមការស្នើពីលោកចៅសង្កាត់ និងលោកអភិបាលខណ្ឌមានជ័យ ខណៈដែលសហគមន៍មួយចំនួនកំពុងរំលោភយកដីប្រឡាយសាធារណៈរបស់រដ្ឋ ធ្វើជាកម្មសិទ្ធិបែបអនាធិបតេយ្យ។

លោក ប៉ា សុជាតិវង្ស បានបញ្ជាក់ថា តាមគម្រោងដែលគ្រោងនឹងស្នើទៅរាជរដ្ឋាភិបាលនោះ គឺរដ្ឋបាលរាជធានី គ្រោងនឹងប្រគល់ដីទំហំ ៥ម៉ែត្រគុណនឹង ៨ម៉ែត្រ ចិញ្ចើម ២ម៉ែត្រ សាងសង់ផ្លូវបេតុងទទឹង ៦ម៉ែត្រ ផ្លូវមុខផ្ទះ ៥ម៉ែត្រ ដីសល់មុខផ្ទះ ១,៥ម៉ែត្រ និងក្រោយផ្ទះ ០,៥ម៉ែត្រ ព្រមទាំងសង់ផ្ទះ ៤២៣ខ្នង៕

ប្រភព៖ រស្មីកម្ពុជា ប្រែសម្រួល៖ លាភ.