នាយករដ្ឋមន្ត្រីវៀតណាម គ្រោងចុះកិច្ចព្រមព្រៀងនាំចូលផលិតផលអាមេរិក ក្នុងទឹកប្រាក់ពាន់លានដុល្លារ

2017-05-30 08:17:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាយករដ្ឋមន្ត្រីវៀតណាម លោក Nguyen Xuan Phuc នឹងធ្វើទស្សនកិច្ចទៅសេតវិមាន សហរដ្ឋអាមេរិក នៅសប្ដាហ៍នេះ ដោយគ្រោងនឹងចុះកិច្ចព្រមព្រៀងនាំចូលផលិតផលអាមេរិក ក្នុងទំហំទឹកប្រាក់រាប់ពាន់លានដុល្លារ ដែលក្នុងនោះមានដូចជា យន្តហោះ ម៉ាស៊ីនតួប៊ីន និងពោតអាមេរិក។

នាយករដ្ឋមន្ត្រីវៀតណាម លោក Nguyen Xuan Phuc

នាយករដ្ឋមន្ត្រីវៀតណាម លោក Nguyen Xuan Phuc បានបញ្ជាក់កាលពីថ្ងៃទី២៧ ឧសភា ២០១៧ថា ការនាំចូលរបស់វៀតណាមពីសហរដ្ឋអាមេរិកបានកើនឡើងគួរឲ្យកត់សម្គាល់ កាលពីពេលថ្មីៗ។ លោកបន្ថែមថា "យើងនឹងចុះកិច្ចព្រមព្រៀងក្នុងទំហំទឹកប្រាក់រាប់ពាន់លានដុល្លារជាមួយក្រុមហ៊ុនអាមេរិក ដោយនឹងនាំចូលទំនិញជាច្រើនពីអាមេរិក ដែលវានឹងជួយបង្កើតការងារបន្ថែមទៀតសម្រាប់ប្រជាជនអាមេរិក"។

ទំហំពាណិជ្ជកម្មរវាងប្រទេសវៀតណាម និងអាមេរិក បានកើនដល់ ៤៧ពាន់លានដុល្លារ នៅឆ្នាំ២០១៦ ក្រោយស្ទើរតែគ្មានការដោះដូរពាណិជ្ជកម្មរវាងគ្នាសោះ ចាប់តាំងពីឆ្នាំ១៩៩៤ នៅពេលដែលប្រធានាធិបតី Bill Clinton បានដាក់ទណ្ឌកម្មពាណិជ្ជកម្មលើប្រទេសវៀតណាម។

សូមបញ្ជាក់ថា នាយករដ្ឋមន្ត្រីវៀតណាម លោក Nguyen Xuan Phuc ធ្វើទស្សនកិច្ចទៅសហរដ្ឋអាមេរិក រយៈពេល ៣ថ្ងៃ គឺពីថ្ងៃទី២៩ ដល់ថ្ងៃទី៣១ ឧសភា ២០១៧៕

ប្រភព៖ Bangkokpost ប្រែសម្រួល៖ វាសនា