៣ឆ្នាំចុងក្រោយនេះ ផ្លូវបេតុងនៅរាជធានីភ្នំពេញ ត្រូវបានស្ថាបនាជាង ៥០០គីឡូម៉ែត្រ

2017-06-01 03:01:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អភិបាលរាជធានីភ្នំពេញ លោក ប៉ា សុជាតិវង្ស បាននិយាយថា ក្នុងរយៈពេល ៣ឆ្នាំចុងក្រោយនេះ រដ្ឋបាលរាជធានីភ្នំពេញ បានស្ថាបនាប្រភេទផ្លូវបេតុងបានជាង ៥០០គីឡូម៉ែត្រ។ លោកលើកឡើងដូច្នេះ ក្នុងអំឡុងពេលចុះត្រួតពិនិត្យការដាក់ប្រព័ន្ធលូ និងការស្ថាបនាផ្លូវលេខ ៧៧BT នៅខណ្ឌមានជ័យកាលពីថ្ងៃទី៣១ឧសភា។

លោក ប៉ា សុជាតិវង្ស បញ្ជាក់ថា ផ្លូវបេតុងដែលបានស្ថាបនាជាង ៥០០គីឡូម៉ែត្រនោះ រួមមាន ដូចជាផ្លូវជើងឯក ទំនប់កប់ស្រូវ ហាណូយ ផ្លូវ២០០៤ ផ្លូវវេងស្រេង និងផ្លូវលេខ ៥៩៨ជាដើម។

ចំពោះលទ្ធផលនៃការដាក់ប្រព័ន្ធលូ តាមបណ្តោយផ្លូវលេខ ៧៧BT នេះវិញ លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានឱ្យដឹងថា លូនេះមានទំហំ ១ម៉ែត្រ។ ការស្ថាបនាផ្លូវនេះ មានប្រវែង ២៧៥០ម៉ែត្រ ដោយចាក់បេតុងអារមេ កម្រាស់ ១តឹកកន្លះ ទទឹង ៧ម៉ែត្រ ចាប់ពីផ្លូវ ២៧១ ដល់ផ្លូវ ៣៧១ សង្កាត់បឹងទំពុន និងសង្កាត់ស្ទឹងមានជ័យ ខណ្ឌមានជ័យ៕

ប្រភព៖ រស្មីកម្ពុជា ប្រែសម្រួល៖ សំភី