កីឡាកររបស់ព្រះខ័នរាជ ដែលជាប់ U18 ជម្រើសជាតិ មានប៉ុន្មានរូប?

2017-06-08 10:13:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមព្រះខ័នរាជស្វាយរៀង បានបង្ហាញនូវបញ្ជីឈ្មោះកីឡាកររបស់ខ្លួន ដែលត្រូវបានសហព័ន្ធកីឡាបាល់ទាត់កម្ពុជា កោះហៅចូលរួមក្រុមជម្រើសជាតិអាយុក្រោម ១៨ឆ្នាំ ដើម្បីត្រៀមសម្រាប់ប្រកួតជម្រើសជើងឯកយុវជនអាស៊ានអាយុក្រោម ១៨ឆ្នាំ ឆ្នាំ២០១៧ និងយុវជនអាស៊ីអាយុក្រោម ១៩ឆ្នាំ ឆ្នាំ២០១៨ នៅថ្ងៃនេះ។

កីឡាករដែលជាប់មានចំនួន ៤រូប គឺកីឡាករ ទេព វាសនាកុមារពិទូរ្យ, កែ លីហេង, គន្ធា រ៉ាវ៉ាន់ និង ឃៀង ម៉េងហ៊ួ។

ព្រឹត្តិការណ៍ជើងឯកយុវជនអាស៊ានអាយុក្រោម ១៨ឆ្នាំ នឹងចាប់ផ្ដើមអំឡុងខែកញ្ញា ឆ្នាំ២០១៧ ខាងមុខ នៅប្រទេសមីយ៉ាន់ម៉ា។ កម្ពុជា ស្ថិតក្នុងពូល A ជាមួយ ព្រុយណេ ឥណ្ឌូណេស៊ី ឡាវ ម៉ាឡេស៊ី និងម្ចាស់ផ្ទះមីយ៉ាន់ម៉ា។

ចំណែកព្រឹត្តិការណ៍ជ្រើសរើសយុវជនអាស៊ីអាយុក្រោម ១៩ឆ្នាំ នឹងចាប់ផ្ដើមប្រកួតជម្រុះ ចាប់ពីថ្ងៃទី៣១ ខែតុលា ដល់ថ្ងៃទី៨ ខែវិច្ឆិកា ឆ្នាំ២០១៧ ដោយកម្ពុជា ស្ថិតនៅពូល G ជាមួយ ចិន មីយ៉ាន់ម៉ា និងហ្វីលីពីន៕

អត្ថបទទាក់ទង