FIFA Confederation Cup៖ ស៊ីលី និងអាល្លឺម៉ង់ ឈ្នះដូចគ្នាម្សិលមិញ

2017-06-20 00:05:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ព្រឹត្តិការណ៍ FIFA Confederation Cup បានដំណើរការចំនួន ៣ថ្ងៃហើយ ដោយក្រុមនិមួយៗ សុទ្ធតែបានបញ្ចប់ការប្រកួតបើកឆាករបស់ខ្លួន។ សម្រាប់យប់មិញ ក្រុមស៊ីលី ដែលស្ថិតក្នុងពូល B បានយកឈ្នះក្រុមកាមេរ៉ូន ក្នុងលទ្ធផល ០-២ ចំណែក អាល្លឺម៉ង់ ដណ្ដើមបាន ៣ពិន្ទុពី អូស្ត្រាលី តាមរយៈលទ្ធផលជ័យជម្នះ ២-៣ ។

សម្រាប់ជំនួបរវាង ស៊ីលី ជាមួយ កាមេរ៉ូន កីឡាករ Arturo Vidal និង Eduardo Vargas បានរកគ្រាប់បាល់ម្នាក់១គ្រាប់សម្រាប់ស៊ីលី នៅនាទី៨១ និង ៩០+១ ។

ដោយឡែក ជំនួប អាល្លឺម៉ង់ និង អូស្ដ្រាលី ក្នុងតង់ទីមួយគ្រាប់បាល់ដំបូងកើតចេញនៅនាទី៥ ដោយខ្សែបម្រើ Lars Stindl របស់អាល្លឺម៉ង់ មុនខ្សែបម្រើ Tom Rogic ស៊ុតតាមស្មើឲ្យអូស្ត្រាលីនៅនាទី៤១។ ប៉ុន្តែ ត្រឹម៣នាទី Julian Draxler របស់ក្រុម PSG បានបន្ថែមគ្រាប់ទីពីររបស់អាល្លឺម៉ង់។ ក្នុងតង់ទី២ ក្រុមទាំងពីរ រកបាន ១គ្រាប់ដូចគ្នា ពោលគឺនៅនាទី៥៦ ដោយខ្សែប្រយុទ្ធ Tomi Juric របស់អូស្ត្រាលី និងខ្សែបម្រើ Leon Goretzka របស់អាល្លឺម៉ង់ នៅនាទី៨៤។

ស៊ីលី បានឡើងឈរកំពូលតារាងពូល B បណ្ដោះអាសន្ន ដោយមាន ៣ពិន្ទុស្មើអាល្លឺម៉ង់ ជាមួយគ្រាប់បាល់ចំណេញចំនួន ២គ្រាប់ លើសក្រុមឥន្ទ្រីដែក ១គ្រាប់។ លេខ ៣ គឺអូស្ត្រាលី និងលេខ៤ បានលើនូវែលហ្សេឡង់។

ចំពោះពូល A វិញ ក្រោយក្រុមនិមួយៗ ប្រកួតគ្នារួចរាល់ គេសង្កេតឃើញថា រុស្ស៊ី ឈរនៅលេខ១ បណ្ដោះអាសន្នមាន ៣ពិន្ទុ លើក្រុមព័រទុយហ្គាល់ និង ម៉ិកស៊ីកូ ដែលទើបមាន ១ពិន្ទុស្មើគ្នា។ រីឯកាមេរ៉ូន ឈរនៅបាតតារាង៕

ប្រភព៖ FIFA ប្រែសម្រួល៖ លាភ.