ហែមថុន វិទីនី គ្រោងបំប៉នលើមូយវិញ្ញាសាទៀត សម្រាប់ដណ្ដើមមេដាយស៊ីហ្គេម
- 2017-06-21 07:55:53
- ចំនួនមតិ 0 | ចំនួនចែករំលែក 0
ហែមថុន វិទីនី គ្រោងបំប៉នលើមូយវិញ្ញាសាទៀត សម្រាប់ដណ្ដើមមេដាយស៊ីហ្គេម
ចន្លោះមិនឃើញ
កីឡាការិនីឆ្នើមរបស់កម្ពុជា ហែមថុន វិទីនី គ្រោងចាប់យកវិញ្ញាសាថ្មីមួយទៀត ដើម្បីមានឱកាសប្រជែងយកមេដាយច្រើននៅស៊ីហ្គេម ឆ្នាំ២០១៧ ដែលធ្វើឡើងនៅប្រទេសម៉ាឡេស៊ី នាខែសីហា ខាងមុខនេះ។
កីឡាការិនីដែលធ្លាប់បង្ហាញមុខនៅព្រឹត្តិការណ៍កីឡាអូឡាំពិកឆ្នាំ២០១៦នៅប្រទេសប្រេស៊ីលរូបនេះ បានឲ្យដឹងថា កីឡាករ កីឡាការិនី ហែលទឹកជម្រើសជាតិទាំងអស់ ត្រូវប្រកួតវាស់ស្ទង់គ្រប់វិញ្ញាសាដែលត្រូវប្រកួតនៅស៊ីហ្គេម។ ជាក់ស្ដែងសព្វថ្ងៃនេះ ជំនាញរបស់ខ្លួនគឺ ៥០ម៉ែត្រ និង ១០០ម៉ែត្រ ហែលសេរី ប៉ុន្តែនាងមានបំណងសាកល្បងលើវិញ្ញាសា ៥០ម៉ែត្រ ឬ ១០០ម៉ែត្រ ហែលមេអំបៅ បន្ថែមទៀត។
កីឡាការិនីរូបនេះបន្តថា តាមយោបល់របស់គ្រូបង្ហាត់ គ្រោងនឹងដាក់នាងឲ្យប្រកួតលើវិញ្ញាសា ៥០ម៉ែត្រមេអំបៅ បន្ថែមទៀត បន្ទាប់ពីបានហ្វឹកហាត់នាពេលកន្លងមក ហើយធ្វើបានថេរវេលាល្អ៕