ស៊ន សៀវម៉ី នឹងចូលរួមប្រកួតតេក្វាន់ដូពិភពលោក សប្តាហ៍ក្រោយ
- 2017-06-23 09:24:37
- ចំនួនមតិ 0 | ចំនួនចែករំលែក 0
ស៊ន សៀវម៉ី នឹងចូលរួមប្រកួតតេក្វាន់ដូពិភពលោក សប្តាហ៍ក្រោយ
ចន្លោះមិនឃើញ
ម្ចាស់មេដាយមាសតេក្វាន់ដូអាស៊ី ឆ្នាំ២០១៤ ស៊ន សៀវម៉ី នឹងត្រូវប្រកួតជាមួយកីឡាការិនីមកពីប្រទេសក្រិក នៅថ្ងៃទី២៨មិថុនា ២០១៧ ក្នុងកម្មវិធី WTF World Taekwondo Championship 2017 នៅកូរ៉េខាងត្បូង។
សហព័ន្ធតេក្វាន់ដូកម្ពុជា ឱ្យដឹងថា អត្តពលិកកម្ពុជា៥រូប ដែលបានចូលរួមប្រកួតលើវិញ្ញាសាប្រយុទ្ធ រួមមានទី១ កញ្ញា ស៊ន សៀវម៉ី ប្រភេទទម្ងន់ ៧៣គីឡូក្រាម ទី២ កញ្ញា ថិប កាសាន់ទ្រេនីកូល ប្រភេទទម្ងន់ ៥៧គីឡូក្រាម ទី៣ កញ្ញា អ៊ុនវ៉ិន សុចិរង្សី ប្រភេទទម្ងន់ ៤៩គីឡូក្រាម ទី៤ លោក វ៉ាន់ ឬទ្ធី ប្រភេទទម្ងន់ ៧៤គីឡូក្រាម និងទី៥ លោក ឈុន សុខឡុង ប្រភេទទម្ងន់ ៦៣គីឡូក្រាម។
កម្មវិធីប្រកួតនេះ នឹងចាប់ផ្តើមឡើងពីថ្ងៃទី ២៤ ដល់ ៣០ មិថុនា ឆ្នាំ២០១៧ ដែលមានកីឡាករ កីឡាការិនី ចំនួន ១៦០០នាក់ មកពីប្រទេស ១៨៦ ចូលរួម៕