លោក ពូទីន ថា ការដាក់ទណ្ឌកម្មលើរុស្ស៊ី គឺប្រឆាំងនឹងគោលការណ៍ប្រទេស G20

2017-07-06 08:44:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីរុស្ស៊ី លោក វ្លាឌីមា ពូទីន បានហៅការដាក់ទណ្ឌកម្មសេដ្ឋកិច្ច លើរុស្ស៊ី គឺអាចនឹងឈានដល់ការប្រឆាំងនឹងគោលការណ៍របស់ G20 ដែលមានកិច្ចសហប្រតិបត្តិការ ដើម្បីផលប្រយោជន៍ប្រទេសទាំងអស់។ លោក ពូទីន បានសរសេរសារព្រមាននេះ នៅក្នុងកាសែត Handelsblatt ដែលចញផ្សាយនៅថ្ងៃព្រហស្បតិ៍នេះ មុនកិច្ចប្រជុំកំពូល G20។

លោក ពូទីន បានជំរុញឲ្យបញ្ចប់ការការពារនិយមនៃពាណិជ្ជកម្ម របស់អាមេរិក ដោយលើកឡើងថា មានតែការបើកទំនាក់ទំនងពាណិជ្ជកម្មទេ ដែលធ្វើឲ្យមានកំណើនសេដ្ឋកិច្ច និងធ្វើឲ្យប្រសើរឡើងនូវទំនាក់ទំនងរវាងរដ្ឋ និងរដ្ឋ។

មេដឹកនាំនៃប្រទេស G20 ក្នុងកិច្ចប្រជុំកំពូល កាលពីឆ្នាំ២០១៥ នៅប្រទេសតួកគី

សូមរម្លឹកថា អាមេរិក និងសហភាពអឺរ៉ុប បានដាក់ទណ្ឌកម្មលើរុស្ស៊ី ដោយចោទថា រុស្ស៊ី បានដណ្តើមកាន់កាប់តំបន់គ្រីមា ក្នុងឆ្នាំ ២០១៤ និងគាំទ្រក្រុមឧទ្ទាម នៅភាគខាងកើតអ៊ុយក្រែន។ ចំណែករុស្ស៊ី បានឆ្លើយតបទៅវិញ ដោយបិទការនាំចូលផលិតផលអាហារពីប្រទេសលោកខាងលិចវិញ។

គួរបញ្ជាក់ដែរថា កិច្ចប្រជុំកំពូល G20 នឹងធ្វើឡើងរយៈពេល ២ថ្ងៃ ចាប់ផ្តើមពីថ្ងៃទី៧កក្កដា នៅក្រុង Hamburg ប្រទេសអាល្លឺម៉ង់៕

ប្រភព៖ NDTV ប្រែសម្រួល៖ សំភី