Morata បង្ហាញខ្លួនលើកដំបូងជាមួយអាវខៀវរបស់ Chelsea
- 2017-07-22 07:32:18
- ចំនួនមតិ 0 | ចំនួនចែករំលែក 0
Morata បង្ហាញខ្លួនលើកដំបូងជាមួយអាវខៀវរបស់ Chelsea
ចន្លោះមិនឃើញ
Alvaro Morata បានក្លាយជាកីឡាកររបស់ក្រុមតោខៀវ Chelsea ជាផ្លូវការ បន្ទាប់ពី Real Madrid ព្រមលក់ក្នុងតម្លៃ ៦៥លានផោន (ជិត ៨៥លានដុល្លារអាមេរិក) ក្នុងកុងត្រារយៈពេល ៥ ឆ្នាំ ដែលខ្សែប្រយុទ្ធរូបនេះនឹងទទួលបាន ១៦ម៉ឺនផោន ក្នុងមួយសប្ដាហ៍។
Morata សញ្ជាតិអេស្ប៉ាញ បាននាំភរិយារបស់គេ Alice Campello ដែលទើបតែរៀបការជាមួយគ្នាថ្មីថ្មោង ទៅរស់នៅទីក្រុងឡុងដ៍ ប្រទេសអង់គ្លេស ដើម្បីឲ្យរូបគេប្រកបអាជីពនៅក្រុមតោខៀវ។
ខ្សែប្រយុទ្ធវ័យ ២៤ឆ្នាំដដែល បានសន្យានឹងអ្នកគាំទ្រ Chelsea ថា រូបគេនឹងស៊ុតបញ្ចូលទីឲ្យបានច្រើនគ្រាប់តាមដែលអាចធ្វើទៅបាន។ ជាមួយគ្នានេះ រូបគេនឹងជួយ Chelsea លើកពានរង្វាន់នានាផងដែរ។
ការទិញយក Morata មានន័យថា Chelsea បានបំបែកកំណត់ត្រាដោះដូរកីឡាកររបស់ខ្លួន កាលពីឆ្នាំ២០១១ ដែលបាននាំយកខ្សែប្រយុទ្ធសញ្ជាតិអេស្ប៉ាញដូចគ្នាពី Liverpool ក្នុងតម្លៃខ្លួនត្រឹមតែ ៥០លានផោនប៉ុណ្ណោះ៕