បុរសម្នាក់អាចដោះ Passcode របស់ iPhone ខណៈដែល FBI ធ្លាប់បរាជ័យក្នុងរឿងនេះ
- 2017-07-27 01:52:11
- ចំនួនមតិ 0 | ចំនួនចែករំលែក 0
បុរសម្នាក់អាចដោះ Passcode របស់ iPhone ខណៈដែល FBI ធ្លាប់បរាជ័យក្នុងរឿងនេះ
ចន្លោះមិនឃើញ
ទីភ្នាក់ងារស៊ើបការណ៍អាមេរិក FBI កាលពីឆ្នាំ២០១៥ និង២០១៦ កន្លងទៅ បានជួបសំណុំរឿងដ៏ស្មុគស្មាញមួយ គឺភេរវកម្មថ្ងៃទី០២ ខែធ្នូ ២០១៥ ដែលសម្លាប់មនុស្ស ១៤នាក់ របួស ២២នាក់ ដោយសារការបាញ់រះរបស់ខ្មាន់កាំភ្លើងដែលជាប្ដីប្រពន្ធនឹងគ្នា នៅក្រុង San Bernardino រដ្ឋ Califonia សហរដ្ឋអាមេរិក។ រឿងដ៏ស្មុគស្មាញនោះ គឺថា ប៉ូលិសអាមេរិកបានបាញ់សម្លាប់ខ្មាន់កាំភ្លើងទាំងពីរនាក់នោះ ហើយរឹបអូសបាន iPhone 5C មួយគ្រឿង ដែលត្រូវសង្ស័យថា មានឯកសារសម្ងាត់របស់ក្រុមភេរវជន។ ប៉ុន្តែទីភ្នាក់ងារស៊ើបការណ៍អាមេរិក FBI ពុំអាចដោះ Passcode iPhone 5C របស់ខ្មាន់កាំភ្លើងនៅបានទេ រហូតដល់មានការស្នើទៅក្រសួងយុត្តិធម៌អាមេរិក ឲ្យជួយធ្វើអន្តរាគមន៍ទៅក្រុមហ៊ុន Apple ដើម្បីដោះ Passcode iPhone 5C នោះ។ រីឯក្រុមហ៊ុន Apple វិញ បានបដិសេធសំណើនោះ ដោយបញ្ជាក់ថា ក្រុមហ៊ុនពុំមានកម្មវិធីសម្រាប់ដោះ Passcode នោះទេ។
ប៉ុន្តែងាកមកបុរសម្នាក់នេះវិញ ឈ្មោះ Colin Cloud ដែលបានចូលបង្ហាញសមត្ថភាពនៅកម្មវិធី America's Got Talant មានសមត្ថភាពអាចដោះ Passcode iPhone ៦ខ្ទង់ បានដោយជោគជ័យ។ ដំបូងលោក Colin Cloud បានយកទូរសព្ទ iPhone របស់ខ្លួនឲ្យគណៈកម្មការ America's Got Talant លោក Howie Mandel ចុច Passcode ៦ខ្ទង់ ដើម្បីដោះ Passcode iPhone នោះ ប៉ុន្ដែជាលទ្ធផល ពុំអាចដោះ Passcode បាននោះទេ។ បន្ទាប់មក លោក Colin Cloud បានឲ្យគណៈកម្មការ America's Got Talant ចំនួន ៣រូបផ្សេងទៀត ជ្រើសរើសលេខម្នាក់មួយដោយសេរី ហើយឲ្យលោក Howie Mandel ចុច Passcode ទាំង ៣ខ្ទង់នោះ។ ចំណែក Passcode ដែលនៅសល់ ៣ខ្ទង់ទៀត គឺលោក Colin Cloud ឲ្យលោក Howie Mandel ជ្រើសរើសដោយសេរី នឹងចុចទៅលើ Passcode iPhone នោះ ជាលទ្ធផល Passcode iPhone នោះ ត្រូវដោះបានដោយជោគជ័យ និងសឹងមិនគួរឲ្យជឿ។
សូមបញ្ជាក់ថា លោក Colin Cloud ធ្លាប់បានរៀបរាប់ប្រាប់គណៈកម្មការ America's Got Talant ថា គាត់មានសមត្ថភាពមើលដឹងពីគំនិតរបស់មនុស្ស។
ចង់ដឹងគាត់មានសមត្ថភាពខ្លាំងប៉ុណ្ណា សូមចុចមើលវីដេអូនេះ