លោក ផៃ ស៊ីផាន៖ ការដាក់រូបសំណាក លោក កែម ឡី នៅចិញ្ចើមថ្នល់ នឹងប៉ះពាល់ដល់ចរាចរណ៍

2017-07-27 09:49:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកនាំពាក្យទីស្តីការគណៈរដ្ឋមន្រ្តី លោក ផៃ ស៊ីផាន បាននិយាយថា ប្រសិនបើដាក់រូបសំណាករបស់លោក កែម ឡី នៅក្នុងដីរបស់ការ៉ាសសាំង គឺជាការរំលោភលើកម្មសិទ្ធិឯកជន ទាល់តែមានការស្ម័គ្រចិត្តពីឯកជន។ ហើយបើសិនជាដាក់រូបនៅលើចិញ្ចើមថ្នល់ គឺជាកម្មសិទ្ធិសាធារណៈ ដែលអាចជាឧបសគ្គដល់សណ្តាប់ធ្នាប់ចរាចរណ៍។

លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្រ្តី

ការលើកឡើងនេះ ធ្វើឡើងក្រោយពេលដែលសមាគមសម្ព័ន្ធនិស្សិតបញ្ញាវន្តខ្មែរ កាលពីថ្ងៃទី២៦កក្កដា បានដាក់សំណើទៅសម្តេច ហ៊ុន សែន ដើម្បីស្នើសុំដាក់រូបសំណាកលោក កែម ឡី នៅទីតាំងឃាតកបាញ់សម្លាប់ គឺនៅស្ថានីយកាល់តិច (Caltex) ស្តុបបូកគោ។ ប៉ុន្តែសំណើនោះត្រូវបានបដិសេធ ដោយមន្រ្តីខុទ្ទកាល័យនាយករដ្ឋមន្រ្តីចាត់ទុកថា ជាសកម្មភាពចលនាសង្គម មិនមែនជាករណីជាក់ស្តែង។ នេះបើតាមការឲ្យដឹងពីលោក ចឹក ចិត្រា អគ្គលេខាធិការសមាគមសម្ព័ន្ធនិស្សិតបញ្ញាវន្តខ្មែរ។

លោក ផៃ ស៊ីផាន យល់ឃើញថា ការស្នើសុំរបស់សមាគមនេះ គឺក្នុងចេតនានយោបាយ ច្រើនជាងគុណធម៌ សីលធម៌ ចំពោះសព លោក កែម ឡី៕

លោកពន្យល់ថា ការអនុញ្ញាតឲ្យដាក់រូបសំណាកលោក បណ្ឌិត កែម ឡី គឺត្រូវការធ្វើឡើងតាមការសម្រេចរបស់រដ្ឋាភិបាលមាន ២ដំណាក់កាល។ ទី១ គឺការប្រជុំគណៈរដ្ឋមន្រ្តី និងទី២ ជាបុព្វសិទ្ធិរបស់នាយករដ្ឋមន្រ្តីអាចសម្រេចបាន៕

ប្រភព៖ Vayo Fm ប្រែសម្រួល៖ សំភី