ហែមថុន វិទីនី បញ្ចប់អាជីពហែលទឹក ក្រោយស៊ីហ្គេម?

2017-08-05 07:45:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាការិនីជម្រើសជាតិកម្ពុជា ហែមថុន វិទីនី ប្រហែលជាបញ្ចប់អាជីពហែលទឹកនៅឆ្នាំ២០១៨ ខាងមុខនេះ។ ដូច្នេះ ការចូលរួមប្រកួតកីឡាស៊ីហ្គេមនៅប្រទេសម៉ាឡេស៊ី នាខែសីហានេះ អាចជាការចូលរួមលើកចុងក្រោយរបស់កីឡាការិនីវ័យ២៤ឆ្នាំរូបនេះ។ នេះជាការអះអាងរបស់ថ្នាក់ដឹកនាំសហព័ន្ធខ្មែរហែលទឹក ប្រាប់ដល់គណៈកម្មាធិការជាតិអូឡាំពិកកម្ពុជា។

លោក ហែម គីរី អគ្គលេខាធិការសហព័ន្ធ បានបញ្ជាក់ថា ការបញ្ចប់អាជីពរបស់ វិទីនី គឺដោយសារបញ្ហាសុខភាព និងដល់ពេលត្រូវបញ្ចប់អាជីពដែលធ្លាប់ប្រឡូកអស់ជាច្រើនឆ្នាំ។ លោកក៏បានបង្ហើបពីការស្វែងរកកីឡាការិនីហែលទឹកដែលមានសមត្ថភាព និងវ័យក្មេង ដើម្បីជំនួសតំណែងរបស់ វិទីនី ផងដែរ។ គេរំពឹងថា កីឡាការិនី សុខ វរលក្ខណ៍ ដែលជាបេក្ខភាពមួយរូបក្នុងចំណោមបេក្ខភាព ៧រូប ដែលចូលរួមកីឡាស៊ីហ្គេម ទំនងជាអ្នកបន្តវេនពី វិទិនី នៅថ្ងៃអនាគត៕

អត្ថបទ៖ លាភ.