ក្រុមកំពូលតារាងលីគកំពូលកម្ពុជាឆ្នាំនេះ នឹងប្រកួតបើកឆាកប៉ះជើងឯកវៀតណាម ពាន TMCC

2017-09-26 01:31:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កម្មវិធី Toyota Mekong Club Championship 2017 បានចាប់ផ្ដើមកាលពីថ្ងៃទី២៥ ខែកញ្ញា ឆ្នាំ២០១៧ ដោយកំណត់ការប្រកួតចាប់ពីថ្ងៃទី៩ ខែធ្នូ ដល់ថ្ងៃទី៦ ខែមករា ឆ្នាំ២០១៨។ ក្រុមកំពូលតារាងមកពីលីគមួយចំនួននៅតំបន់អាស៊ីអាគ្នេយ៍ នឹងចូលរួមក្នុងព្រឹត្តិការណ៍នេះ ដែលមានដូចជា លីគកំពូលថៃ វៀតណាម ឡាវ និង កម្ពុជា។

ការប្រកួតជុំទីមួយ នឹងលេងចំនួនពីរជើង គឺនៅថ្ងៃទី៩ និង ១៣ ខែធ្នូ ឆ្នាំ២០១៧ រវាងក្រុមកំពូលតារាងលីគកំពូលកម្ពុជា ជាមួយក្រុមកំពូលតារាងលីគកំពូលវៀតណាម។ ក្រុមដែលឈ្នះនឹងត្រូវប៉ះក្រុមកំពូលតារាងលីគកំពូលឡាវ នៅថ្ងៃទី១៧ ខែធ្នូ ឆ្នាំ២០១៧ ដោយធ្វើការប្រកួតពីរជើងដូចគ្នា។

ក្រុមមួយ នឹងត្រូវឡើងទៅតទល់ជាមួយក្រុមជើងឯក League Cup របស់ថៃ ដោយលេងក្នុង និងក្រៅដី នៅថ្ងៃទី២៣ ខែធ្នូ ឆ្នាំ២០១៧ និងថ្ងៃទី៦ ខែមករា ឆ្នាំ២០១៨។

ក្រុមជើងឯក នឹងទទួលបានប្រាក់រង្វាន់ចំនួន ៧៥០០០ ដុល្លារអាមេរិក ជាមួយពានរង្វាន់មួយ ជើងឯករង បាន ៥០០០០ដុល្លារ លេខ៣ បាន ៣០០០០ដុល្លារ និង លេខ៤ បាន ១០០០០ដុល្លារ។ កីឡាករល្អជាងគេ នឹងទទួលបាន ៣០០០ដុល្លារ៕