លោក ថាក់ស៊ីន គំរាមប្តឹងអ្នកដែលចោទលោកថា បានប្រមាថព្រះមហាក្សត្រ

2017-10-10 05:00:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតនាយករដ្ឋមន្រ្តីថៃ លោក ថាក់ស៊ីន បានបដិសេធថា លោកមិនដែលប្រមាថសែរាជវង្សឡើយ ហើយថែមបានគំរាមប្តឹងចំពោះនរណាម្នាក់ ដែលចោទប្រកាន់លោកដូច្នេះទៀតផង។ នេះបើតាមការបង្ហោះរបស់លោកនៅលើបណ្តាញ Twitter កាលពីយប់ថ្ងៃទី៩តុលា។

លោក ថាក់ស៊ីន ដែលកំពុងនិរទេសខ្លួន នៅក្រៅប្រទេស ក្រោយយោធាធ្វើរដ្ឋប្រហារទម្លាក់លោក ក្នុងឆ្នាំ២០០៦

ការលើកឡើងនេះ ធ្វើឡើងក្រោយពេលលោក Khemchai Chutiwongse ជារដ្ឋមន្រ្តីក្រសួងយុត្តិធម៌ថៃតែងតាំងថ្មី បាននិយាយថា នឹងរកវិធីនាំលោក ថាក់ស៊ីន ត្រឡប់មកថៃវិញ ហើយកាត់ទោសលោកពីបទប្រមាថព្រះមហាក្សត្រថៃ ដែលជាទោសឧក្រិដ្ឋ អាចជាប់ពន្ធនាគាររហូតដល់ ១៥ឆ្នាំ។

លោក ថាក់ស៊ីន បានថ្កោលទោសនូវការចោទប្រកាន់នេះ ហើយលោកនឹងចាត់វិធានការតាមផ្លូវច្បាប់ប្រឆាំងតបតវិញផងដែរ។ ទោះជាយ៉ាងណាលោក ថាក់ស៊ីន មិនបានបញ្ជាក់ទេថា តើបុគ្គលដែលលោកគំរាមនោះ ជានរណានោះទេ៕

ប្រភព៖ Khaosod English ប្រែសម្រួល៖ សំភី