កូនប្រុសលោក ថាក់ស៊ីន ត្រូវចោទប្រកាន់ពីករណីលាងលុយខ្មៅ

2017-10-18 08:32:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កូនប្រុសតែមួយគត់របស់អតីតនាយករដ្ឋមន្ត្រីថៃ លោក ថាក់ស៊ីន ត្រូវតុលាការចោទប្រកាន់ជាផ្លូវការហើយពាក់ព័ន្ធនឹងករណីលាងលុយខ្មៅ។ នេះបើតាមការបញ្ជាក់របស់នាយកដ្ឋានស៊ើបអង្កេតពិសេសប្រទេសថៃ ថ្លែងកាន់ទៅសារព័ត៌មាន Reuters នៅថ្ងៃទី១៨ ខែតុលា ឆ្នាំ២០១៧។

លោក ថាក់ស៊ីន និងកូនប្រុស

លោក Panthongtae Shinawatra រងការចោទប្រកាន់ថា បានទទួលប្រាក់ចំនួន ១០លានបាត (ប្រហែល ៣០ម៉ឺនដុល្លារ) នៅឆ្នាំ២០០៤។ ប្រាក់១០លានបាតនេះ ជាចំណែកនៅក្នុងអំពើពុករលួយមួយក្នុងទំហំទឹកប្រាក់៩,៩ពាន់លានបាត (ជិត ៣០០លានដុល្លារ) ពាក់ព័ន្ធនឹងកម្ចីក្លែងបន្លំពីធនាគាររដ្ឋ ក្រុងថៃ អំឡុងពេលដែលលោក ថាក់ស៊ីន នៅជានាយករដ្ឋមន្ត្រី។

អ្នកនាំពាក្យរងនៃនាយកដ្ឋានស៊ើបអង្កេតពិសេស លោក Woranan Srilum និយាយថា កូនប្រុសលោក ថាក់ស៊ីន បានមកបង្ហាញនៅក្នុងតុលាការកាលពីថ្ងៃអង្គារម្សិលមិញ ប៉ុន្តែមិនទាន់មានការឃាត់ខ្លួនលោកនោះទេ ព្រោះតុលាការមិនបានចេញដីកាចាប់ខ្លួនឡើយ៕

ប្រភព៖ Reuters ប្រែសម្រួល៖ ឈាង.