Tiger Woods វិលចូលទីលានប្រកួតវិញ ក្រោយអវត្តមានជាច្រើនខែ

2017-10-31 03:42:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Tiger Woods នឹងចូលរួមក្នុងការប្រកួតកូនគោលសាជាថ្មី បន្ទាប់ពីអវត្តមានអស់រយៈពេល ៩ខែ ដោយសារបញ្ហារបួស។ លោកនឹងប្រកួតក្នុងព្រឹត្តិការណ៍ Hero World Challenge ដែលធ្វើឡើងចាប់ពីថ្ងៃទី៣០ ខែវិច្ឆិកា ដល់ថ្ងៃទី៣ ខែធ្នូ ឆ្នាំ២០១៧។

Tiger Woods ក្នុងការប្រកួតនាពេលកន្លងទៅ

ម្ចាស់ពានរង្វាន់ Major ចំនួន ១៤ដង ដែលមានវ័យ ៤១ឆ្នាំរូបនេះ ទើបតែជាសះស្បើយក្រោយការវះកាត់ឆ្អឹងខ្នងជាលើកទីបួន ក្នុងរយៈពេល ៣ឆ្នាំ ហើយមិនបានចូលរួមប្រកួតចាប់តាំងពីកុម្ភៈ ឆ្នាំ២០១៧ នៅព្រឹត្តិការណ៍ Dubai Desert Classic មកម្ល៉េះ ។

Tiger Woods លើកពានរង្វាន់មួយ កាលពីពេលកន្លងទៅ

សម្រាប់ព្រឹត្តិការណ៍ Hero World Challenge គឺជាការរៀបចំឡើងដោយផ្ទាល់របស់ Tiger Woods នៅប្រទេសកោះ Bahamas លើសមុទ្រការីប៊ីន ដោយមានការចូលរួមពីជើងខ្លាំងជុំវិញពិភពលោកចំនួន ៦រូប គឺ Dustin Johnson, Jordan Spieth, Hideki Matsuyama, Justin Thomas, Justin Rose និង Tommy Fleetwood ៕

ប្រភព៖ BBC ប្រែសម្រួល៖ លាភ.