ហេតុផលដែល Miss Global ជ្រើសរើសកម្ពុជាធ្វើជាម្ចាស់ផ្ទះឆ្នាំនេះ
- 2017-11-06 09:52:32
- ចំនួនមតិ 0 | ចំនួនចែករំលែក 0
ហេតុផលដែល Miss Global ជ្រើសរើសកម្ពុជាធ្វើជាម្ចាស់ផ្ទះឆ្នាំនេះ
ចន្លោះមិនឃើញ
នេះជាឆ្នាំទី៥ហើយ ដែលកម្មវិធីលំដាប់ពិភពលោកមួយនេះត្រូវបានរៀបចំឡើងដើម្បីស្វែងរកនារីកំពូលសម្រស់នៅជុំវិញពិភពលោក ហើយក៏ជាឆ្នាំទី១ដែរដែលកម្ពុជាបានធ្វើជាម្ចាស់ផ្ទះក្នុងរៀបចំប្រកួតកម្មវិធីលំដាប់ពិភពលោកមួយនេះ។ តើមានហេតុផលអ្វីបានជាកម្មវិធីលំដាប់ពិភពលោកមួយនេះជ្រើសរើសកម្ពុជាធ្វើជាម្ចាស់ផ្ទះក្នុងការប្រកួតវគ្គផ្ដាច់ព្រ័ត្រកម្មវិធីនេះ?
នាយកប្រតិបត្តិកម្មវិធីបវរកញ្ញាពិភពលោក លោកស្រី ធា ម៉ាក់ ឬ សុគន្ធា ម៉ាក លើកឡើងប្រាប់ពីមូលហេតុដែលជ្រើសរើសយកកម្ពុជាធ្វើជាម្ចាស់ផ្ទះថា "ជាការពិតខ្ញុំមានគ្រួសារជាជនជាតិខ្មែរ ខ្ញុំចង់ឲ្យពិភពលោកស្គាល់កម្ពុជាដែលជាប្រទេសដើមកំណើតរបស់គ្រួសារខ្ញុំ ហើយកម្ពុជាក៏មិនមានកម្មវិធីបែបនេះដែរ កម្ពុជាជាប្រទេសដែលមានវប្បធម៌ កេរ្តិ៍ដំណែល មានសន្តិភាព មានស្ថិរភាព និងមានសម្រស់ដ៏ស្រស់ស្អាត"។
ក្រៅពីហេតុផលខាងលើនាយកប្រតិបត្តិខ្មែរអាមេរិកកាំងរូបនេះជ្រើសរើសកម្ពុជាជាម្ចាស់ផ្ទះក៏ជាឱកាសសម្រាប់មកស្វែងរកសាច់ញាតិរបស់ឪពុករបស់របស់លោកស្រីនៅនេះផងដែរ។
គួរបញ្ជាក់ថាកម្មវិធីប្រកួតបវរកញ្ញាពិភពលោក Miss Global នេះត្រូវបានរៀបចំបាន៥លើកមកហើយ។ ឆ្នាំទី១ និងទីសហរដ្ឋអាមេរិកធ្វើជាម្ចាស់ផ្ទះ លើកទី៣ និងទី៤ ប្រទេសហ្វីលីពីនជាម្ចាស់ផ្ទះ។
សម្រាប់ឆ្នាំទី៥ កម្មវិធីប្រកួតបវរកញ្ញាពិភពលោក Miss Global ២០១៧ វគ្គផ្ដាច់ព្រ័ត្រនឹងប្រព្រឹត្តនៅសាលមហោស្រពកោះពេជ្ររាជធានីភ្នំពេញនៅថ្ងៃទី១៧ ខែវិច្ឆិកាឆ្នាំ២០១៧ ដែលមានបេក្ខភាពបវរកញ្ញាមកពី៦៥ប្រទេសចូលរួមប្រកួត៕