ការប្រកួតកីឡាកាយវប្បកម្មរដូវកាលដំបូង នឹងចាប់ផ្ដើមនៅចុងសប្ដាហ៍នេះ

2017-11-23 04:21:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការប្រកួតកីឡាកាយវប្បកម្ម MR.MFiT រដូវកាលទី១ នឹងធ្វើឡើងនៅមជ្ឈមណ្ឌលសន្និបាទ និងពិព័រណ៍កោះពេជ្រ អាគារ L នាថ្ងៃអាទិត្យ ទី២៦ ខែវិច្ឆិកា ឆ្នាំ២០១៧ ចាប់ផ្តើមពីម៉ោង ៤:០០ល្ងាច រហូតដល់ម៉ោង ៩:០០យប់។ លោក តឹក ប៊ុនរី អគ្គលេខាធិការនៃសហព័ន្ធកីឡាកាយវប្បកម្មកម្ពុជាបានឲ្យដឹងថា ព្រឹត្តិការណ៍ប្រកួតកាយវប្បកម្មកម្ពុជា ឬ Mr. MFiT Champion នេះដូចជាការប្រកួតជើងថ្នាក់ជាតិជាលើកដំបូង។

លោកអគ្គលេខាធិការរូបនេះបានបន្តថា ការប្រកួតនេះមានលក្ខណៈពិសេស២ចំណុចគឺ៖ ទី១- ការប្រកួតជ្រើសរើសជើងឯកលើ៥ប្រភេទវិញ្ញាសា និងទី២- យកជយលាភីទាំង៥ប្រភេទវិញ្ញាសាមកប្រកួតគ្នាទៀតដើម្បីរកចំណាត់ថ្នាក់លេខ១លើប្រភេទចម្រុះវិញ្ញាសា។ ការប្រកួតធ្វើឡើងពីរដំណាក់កាលដោយព្រឹកចាប់ពីម៉ោង៩ដល់១២ ដើម្បីជ្រើសរើសបេក្ខភាព៥នាក់ចុងក្រោយសម្រាប់វិញ្ញាសានីមួយៗ។ ដំណាក់កាលទី២ចាប់ពីម៉ោង៤ល្ងាចរហូតដល់ម៉ោង៩យប់ជាការប្រកួតវគ្គផ្ដាច់ព្រ័ត្រ។ ការប្រកួតនេះមានបេក្ខជនចូលរួមប្រកួតចំនួន៥០នាក់។

វិញ្ញាសាប្រកួតមាន

ប្រភេទទម្ងន់ ក្រោម៦០ គីឡូក្រាម
ប្រភេទទម្ងន់ ៦០-៦៥ គីឡូក្រាម
ប្រភេទទម្ងន់ ៦៥-៧០ គីឡូក្រាម
ប្រភេទទម្ងន់ ៧០-៧៥ គីឡូក្រាម
ប្រភេទទម្ងន់ ៧៥-៨០ គីឡូក្រាម
និងចំណាត់ថ្នាក់លេខ១ទាំង៥វិញ្ញាសាខាងលើ ប្រកួតយកចំណាត់ថ្នាក់លេខចម្រុះទម្ងន់

ប្រាក់រង្វាន់

លេខ១៖ ពាន១ មេដាយមាស និងប្រាក់៤០០ដុល្លារ
លេខ២៖ ពាន១ មេដាយប្រាក់ និងប្រាក់៣០០ដុល្លារ
លេខ៣៖ ពាន១ មេដាយសំរឹទ្ធ និងប្រាក់២០០ដុល្លារ
លេខ៤៖ ពាន១ និងប្រាក់១០០ដុល្លារ
លេខ៥៖ ពាន១ និងប្រាក់៥០ដុល្លារ ការចូលរួមទស្សនា គឺមិនមានលក់សំបុត្រអ្វីឡើយ។ លើសពីនេះ ក៏មានកម្មវិធីសប្បាយៗច្រើនដូចជា ការលេងល្បែងកម្សាន្តដើម្បីឈ្នះរង្វាន់ កម្មវិធីលក់បញ្ចុះតម្លៃផលិតផល និងកម្មវិធីកម្សាន្តផ្សេងៗទៀត៕