Motorola ចេញវគ្គតភាគពីវីដេអូដែល Samsung ឌឺឲ្យ iPhone

2017-11-24 03:38:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាលពីដើមខែវិច្ឆិកាកន្លងទៅ Samsung បានចេញវីដេអូពាណិជ្ជកម្មមួយ បង្ហាញពីអ្នកគាំទ្រ iPhone ម្នាក់ ដែលសម្រេចផ្លាស់ប្ដូរមកប្រើ Galaxy Note 8 វិញ។ ដោយឡែក នៅថ្ងៃនេះ Motorola ក៏បានចេញវីដេអូពាណិជ្ជកម្មផ្ទាល់ខ្លួនមួយវិញដែរ ដោយបញ្ជាក់ថា វីដេអូពាណិជ្ជកម្មរបស់ Samsung មិនទាន់ចប់ស្រួលបួលល្អនោះទេ។

Motorola បានបង្ហោះសារនៅលើហ្វេសប៊ុកទៅកាន់ Samsung ថា៖ "ពួកយើងពិតជាចូលចិត្តវីដេអូពាណិជ្ជកម្មរបស់អ្នកណាស់។ ប៉ុន្តែយើងគិតថា អ្នកភ្លេចដាក់សេចក្ដីបញ្ចប់នៅក្នុងវីដេអូនេះហើយ"។ អមជាមួយសារនេះ Motorola បានភ្ជាប់ជាមួយវីដេអូពាណិជ្ជកម្មថ្មីមួយ ដោយក្នុងនោះបង្ហាញថា អ្នកគាំទ្រ iPhone ដែលទើបផ្លាស់ប្ដូរមកប្រើ Note 8 របស់ Samsung បានស្រងាកចិត្តសាជាថ្មីម្ដងទៀត ក្រោយឃើញមិត្តស្រី/ភរិយារបស់ខ្លួន ទាញទូរសព្ទថ្មីចេញពីប្រអប់គឺ Moto Z2 Play ហើយអាចបញ្ចាំងស្លាយវីដេអូចេញពីស្មាតហ្វូនដាក់លើជញ្ជាំងបាន៕

សូមទស្សនាវីដេអូពាណិជ្ជកម្មរបស់ Motorola នៅខាងក្រោម៖