ការត្រៀមទទួលបឹងកេតរបស់ក្លឹប Sanna Khanh Hoa និងការយល់ឃើញលើ CV11

2017-12-04 03:39:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមកំពូលតារាងលីគកំពូលកម្ពុជា បឹងកេត នឹងត្រូវជួបក្រុម Sanna Khanh Hoa BVN នៃលីគកំពូលវៀតណាម ក្នុងព្រឹត្តិការណ៍ជ្រើសរើសជើងឯក Toyota Mekong Club Chapionship (TMCC) 2017 វគ្គជម្រុះជើងទីមួយ នៅខេត្ត Khanh Hao ប្រទេសវៀតណាម នាថ្ងៃទី៩ ខែធ្នូ ឆ្នាំ២០១៧។

បឹងកេត

សារព័ត៌មានវៀតណាម Motthegioi បានឲ្យដឹងនៅថ្ងៃទី៤ធ្នូនេះថា លោកគ្រូបង្វឹក Vo Dinh Tan បានរៀបចំកូនក្រុមរបស់លោករួចរាល់ដើម្បីទទួលស្វាគមន៍ភ្ញៀវ បឹងកេត ។ ក្នុងនោះ ក៏មានកីឡាករបរទេសមួយចំនួន សម្រាប់ប្រព័ន្ធប្រយុទ្ធរបស់ក្រុម Sanna Khanh Hoa BVN។ សម្រាប់ជើងទីពីរ ការប្រកួតនឹងធ្វើឡើងនៅពហុកីឡដ្ឋានជាតិ រាជធានីភ្នំពេញ នៅថ្ងៃទី១៣ ខែធ្នូ ឆ្នាំ២០១៧។

ក្រុម Sanna Khanh Hoa BVN

ក្រុមដែលឈ្នះ នឹងត្រូវឡើងទៅវគ្គពាក់កណ្ដាលផ្តាច់ព្រ័ត្រ ប៉ះក្រុម Lao Yoyota របស់ឡាវ នៅថ្ងៃទី១៧ ខែធ្នូ បន្តទៀត។

ភាគីវៀតណាម បានដឹងថា ខ្សែប្រយុទ្ធ ចាន់ វឌ្ឍនាកា នឹងវិលត្រឡប់ពីប្រទេសជប៉ុនវិញ បន្ទាប់ពីផុតកុងត្រាពីក្រុម Fujieda MYFC នៅលីគលំដាប់ទី៣ ជប៉ុន។ ប្រភពដដែលបន្តថា ខ្សែប្រយុទ្ធឆ្នើមកម្ពុជា រូបនេះ មិនអាចចូលលេងក្នុងជើងទីមួយ វគ្គជម្រុះ TMCC 2017 ដែលធ្វើឡើងនៅទឹកដីវៀតណាមបានឡើយ។ ប៉ុន្តែគេនឹងអាចចូលលេងនៅក្នុងជើងទីពីរ ដែលការប្រកួតត្រូវធ្វើឡើងនៅកម្ពុជា។

ទោះជាយ៉ាងណា កីឡាកររហស្សនាម CV11 ត្រូវបានរាយការណ៍ថា នឹងមកកាន់កម្ពុជា នៅថ្ងៃទី៧ ខែធ្នូ នេះ ពោលគឺមុនការប្រកួតជើងទីមួយ វគ្គជម្រុះ TMCC 2017 ដើម្បីត្រៀមខ្លួនចូលរួមជាមួយបឹងកេតសាជាថ្មី៕

អត្ថបទ៖ លាភ.