សំបុត្រទស្សនាជើងទីពីរ រវាងបឹងកេតនិង Sanna Khanh Hoa BVN ចាប់ផ្ដើមលក់ព្រឹកស្អែក

2017-12-12 01:21:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការប្រកួតជើងទីពីរ វគ្គជម្រុះឈានទៅកាន់វគ្គពាក់កណ្ដាលផ្តាច់ព្រ័ត្រ ពានរង្វាន់ Toyota Mekong Club Championship 2017 ជើងទីពីរ រវាងក្រុមបឹងកេត ជាមួយក្រុម Sanna Khanh Hoa BVN FC របស់វៀតណាម នឹងធ្វើឡើងនៅថ្ងៃទី១៣ ខែធ្នូ ឆ្នាំ២០១៧ ខណៈសំបុត្រសម្រាប់ចូលទស្សនាការប្រកួតក៏នឹងត្រូវលក់នៅថ្ងៃប្រកួតផងដែរ ដោយចាប់ផ្ដើមពីម៉ោង ៩ ព្រឹកតទៅ នៅខាងមុខពហុកីឡដ្ឋានជាតិ។

សកម្មភាពប្រកួតកាលពីជើងទីមួយ នៅប្រទេសវៀតណាម

ចំពោះតម្លៃសំបុត្រ ត្រូវចែកជា ២ប្រភេទ គឺ ៨០០០ រៀល (តំបន់មានដំបូល) និង ៤០០០ រៀល (តំបន់គ្មានដំបូល)។

កាលពីជើងទីមួយ ក្រុមទាំងពីរ ធ្វើបានត្រឹមលទ្ធផល ៤-៤ ប៉ុណ្ណោះ។ យ៉ាងណាមិញ លទ្ធផលនេះបានធ្វើឲ្យបឹងកេត មានប្រៀបលើគូប្រកួតរបស់ខ្លួន ដោយសារមានគ្រាប់បាល់ក្រៅដីរហូតដល់ ៤គ្រាប់។ ដូច្នេះ សម្រាប់ការប្រកួតថ្ងៃស្អែកវេលាម៉ោង ៧យប់ ប្រសិនបើធ្វើបានត្រឹមលទ្ធផល ស្មើគ្នា ៣គ្រាប់ចុះ នោះបឹងកេតនឹងបានឡើងទៅវគ្គពាក់កណ្ដាលផ្តាច់ព្រ័ត្រ ជួបក្រុមឡាវ Lao Toyota នៅថ្ងៃទី១៧ ខែធ្នូ ឆ្នាំ២០១៧៕