ចាន់ វឌ្ឍនាកា បានត្រៀមខ្លួនរួចរាល់ ដើម្បីចូលជួយបឹងកេតជាថ្មី នៅថ្ងៃស្អែក

2017-12-12 08:02:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធ ចាន់ វឌ្ឍនាកា បានប្រាប់ក្នុងសន្និសីទសារព័ត៌មាន កាលពីព្រឹកថ្ងៃទី១២ ខែធ្នូ ឆ្នាំ២០១៧ នេះថា រូបគេបានត្រៀមខ្លួនរួចរាល់ ព្រមទាំងត្រៀមជាមួយគ្រូបង្វឹក ដើម្បីធ្វើការប្រកួតនាថ្ងៃស្អែក រវាងក្រុមបឹងកេត ជាមួយ ក្រុម Sanna Khanh Hoa BVN មកពីវៀតណាម សម្រាប់ជើងទីពីរ វគ្គជម្រុះពានរង្វាន់ Toyota Mekong Club Championship 2017 នៅពហុកីឡដ្ឋានជាតិ រាជធានីភ្នំពេញ វេលាម៉ោង ៧ យប់។

សន្និសីទសារព័ត៌មាន មុនការប្រកួតជើងទីពីរ វគ្គជម្រុះ ពានរង្វាន់ Toyota Mekong Club Championship 2017

សមាជិកដែលទើបត្រឡប់មកពីប្រទេសជប៉ុនរូបនេះ បាននិយាយថា៖ «សម្រាប់ខ្ញុំ ការរៀបចំខ្លួនគឺបានរួចរាល់អស់ហើយ ទាំងក្រុមនិងគ្រូបង្វឹក... ពួកយើងបានរៀបចំក្រុមមួយដ៏ល្អសម្រាប់ថ្ងៃស្អែក។ ខ្ញុំសង្ឃឹមថា ថ្ងៃស្អែកនេះនឹងមានការចូលរួមទស្សនាយ៉ាងច្រើនកុះករពីសំណាក់បងប្អូនអ្នកគាំទ្រវិស័យកីឡាបាល់ទាត់»។

ទាក់ទងនឹងការប្រកួតជើងទីមួយនៅប្រទេសវៀតណាម កីឡាកររហស្សនាមរូបនេះបានលើកឡើងថា ជើងទីមួយ ក្រុម Sanna Khanh Hoa BVN អាចស៊ុតចូលបឹងកេត ៤ គ្រាប់ ដូច្នេះជើងទីពីរ ពួកគេក៏អាចរកបានច្រើនគ្រាប់ដូចគ្នា ទោះបីជាប្រកួតនៅទឹកដីកម្ពុជាក៏ដោយ។ ហើយ វឌ្ឍនាកា ចង់ឲ្យបឹងកេតផ្ដោតអារម្មណ៍ថ្ងៃស្អែកនេះឲ្យបានច្រើន៕

អត្ថបទ៖ លាភ.